Patryjarch Maskoŭski i ŭsiaje Rusi Kirył raskrytykavaŭ ihumienaŭ i ihumieńniaŭ za imknieńnie da raskošy i kamfortu.
deita.ru
«Ja byŭ inicyjataram taho, kab kožny ihumien i ihumieńnia atrymali žazło (simvał duchoŭnaj ułady). Ale mnie ŭ hałavu nie mahło pryjści, što ihumieny i ihumieńni hetyja posachi pieratvorać u patryjaršyja, bahata ŭpryhožać, kryž źvierchu pastaviać. Ja nie błasłaŭlaŭ takija posachi. U vas pavinna być prostaje ihumienskaje žazło, biez usialakich upryhožvańniaŭ, juvielirnych brazhotak i biez kryža naviersie, tamu što heta simvał archirejskaha słužeńnia», — skazaŭ patryjarch u čaćvier na sustrečy z kiraŭnikami manastyroŭ Ruskaj carkvy ŭ chramie Chrysta Zbaviciela.
«Tamu, kali vy ciapier pryjedziecie da siabie dadomu, pieršaje, što zrabicie, heta zamoŭcie prostyja draŭlanyja kii nakštałt taho, jaki byŭ u rukach Śviaciciela Piatra, mitrapalita Maskoŭskaha», — adznačyŭ jon.
Jak padkreśliŭ patryjarch, duchoŭnaja ŭłada abapirajecca na duchoŭny aŭtarytet. «Niama duchoŭnaha aŭtarytetu ŭ ihumiena abo ihumieńni — niama i ŭłady», — skazaŭ jon.
Ihumien Kazanska-Baharodzickaha manastyra. Fota kazan.eparhia.ru
Pavodle słoŭ pradstajaciela, nastajacielam i namieśnikam manastyroŭ varta bolš dumać pra askietyčnyja podźvihi, a nie pra kamfortnyja bytavyja ŭmovy.
«Ja nie mahu ŭjavić sabie, kab ład žyćcia staražytnych baćkoŭ i maci, jakija stvarali manastyry, radykalna adroźnivaŭsia ad ładu žyćcia prostych manachaŭ i manachiń. Heta vielmi jasna treba ŭsim zrazumieć. A kali niama razumieńnia, nie treba stanavicca ihumienam i ihumieńniaj», — ličyć jon.