U Roŭnienskaj vobłaści Ukrainy zatrymany mužčyna, jaki raspaŭsiudžvaŭ sieparatysckija ŭlotki siarod žycharoŭ paŭnočnych rajonaŭ rehijonu. Pra heta paviedamiła pres-sakratar rehijanalnaha ŭpraŭleńnia Słužby biaśpieki Ukrainy (SBU) Ina Ilučok.
Ukrainskaje Paleśsie. Vyjava wikipedia.org
Va ŭlotkach utrymlivalisia zakliki da arhanizacyi masavych biesparadkaŭ, likvidacyi ŭkrainskaj dziaržaŭnaści i stvareńnia na terytoryi krainy niezaležnaj Paleskaj narodnaj respubliki.
«U skład tak zvanaj Paleskaj narodnaj respubliki pavinny byli ŭvajści «krai, bahatyja burštynam i lasami», — paviedamiła Ina Ilučok.
Pavodle jaje słoŭ, «respubliku» mierkavałasia stvaryć na terytoryi Ukrainy. Pra Biełaruś va ŭlotkach havorki nie išło.
Zatrymanamu pahražaje pazbaŭleńnie voli na termin da 5 hadoŭ pa artykule «zamach na terytaryjalnuju cełasnaść Ukrainy».