U Efiopii abvieščanaje nadzvyčajnaje stanovišča ŭ adkaz na akcyi pratestu, jakija pravodziacca pradstaŭnikami dźviuch najbujniejšych etničnych hrup krainy.
Narodnaści aroma i amchara ŭtvarajuć bolš za 60% nasielnictva Efiopii. Jany niezadavolenyja tym, što kirujučaja elita ŭ krainie składajecca ŭ asnoŭnym z pradstaŭnikoŭ narodnaści tyhrai, jakija pradstaŭlajuć usiaho kala 6% nasielnictva.
Pratesty, jakija prachodziać užo niekalki miesiacaŭ i vylivajucca ŭ biesparadki, abvastrylisia na minułym tydni, paśla taho jak u sutyknieńniach pamiž palicyjaj i pratestoŭcami zahinuli 55 čałaviek, jakija brali ŭdzieł u nacyjanalnym śviacie aroma.
Pravaabaroncy zajaŭlajuć, što ŭ chodzie pratestaŭ apošnich miesiacaŭ zahinuli sotni ich udzielnikaŭ, dziasiatki tysiač stracili svabodu.
Abviaščajučy pa telebačańni nadzvyčajnaje stanovišča, premjer-ministr Efiopii Chajlemaryjam Desaleń zajaviŭ: «My vyšej za ŭsio stavim biaśpieku našych suhramadzian. Akramia taho, my chočam pakłaści kaniec toj škodzie, jakaja nanosicca našaj infrastruktury — uradavym budynkam, adukacyi i achovie zdaroŭja».
Nadzvyčajnaje stanovišča abvieščanaje terminam na paŭhoda.
