 |
Zbornyja Niamieččyny i Partuhalii ŭ švajcarskim Bazeli razyhrali pieršy čverćfinał Čempijanatu Eŭropy pa futbole. I varta adznačyć, što matč atrymaŭsia nadziva cikavym.
Pierad pačatkam hulni niemcy nie daličylisia na łavie zapasnych hałoŭnaha trenera Jachima Leva, jaki byŭ dyskvalifikavany na adnu hulniu. Ale ŭvohule, šancy kamand razhladalisia, jak roŭnyja.
Pačatak pieršaha tajmu paćviardžaŭ takija prahnozy. Kamandy adkazvali atakaj na ataku, sumavać nie davodziłasia. Ale lik pašancavała adkryć mienavita Niamieččynie. Padolski dobra streliŭ ź flanhu, a Švajnštajhier prosta padstaviŭ nahu – 1:0. Nie prajšło piaci chvilin, jak usio toj ža blandyn Švajnštajhier udała naviesiŭ z štrafnoha, a Mirasłaŭ Kłoze vyjhraŭ baraćbu na druhim paviersie – 2:0.
Partuhalcy byli šakavanymi, ale zmahli adyhrać adzin hoł jašče ŭ pieršym tajmie. Paśla ŭdaru Kryštyjanu Ranałdu na dabivańnie lepš za ŭsich syhraŭ Nunu Homieš – 2:1.
Z pačatkam druhoha tajmu čyrvona-zialonyja palacieli ŭ ataku, za što i papłacilisia. Hoł absalutna identyčny druhomu ŭ matčy zabiŭ Michael Bałak. Usia taja ž padača Švajnštajhiera sa štrafnoha i vyjhranaje pavietra – 3:1.
Zdavałasia, što niemcy kantralavali chadu pajadynku, ale za try chviliny da kanca druhoha tajmu Ełder Pašcihu skaraciŭ adryŭ da minimalnaha – 3:2. Ale ŭrešcie niemcy vytrymali.
***
Zaŭtra vyznačycca supiernik zbornaj Niamieččyny pa paŭfinale. Hulajuć Charvatyja – Turcyja. Paŭfinał projdzie ŭ nastupnuju sieradu 25 červienia.
