Prezident Jeŭrapiejskaj rady Donald Tusk zajaviŭ, što ES moža razhladzieć roznyja varyjanty ŭździejańnia na rasijskija ŭłady z-za dziejańniaŭ Rasii ŭ Siryi.
«Vielmi składana, navat niemahčyma kazać pra heta (pra pieramovy z Rasijaj), nie zhadvajučy pra napady na hramadzianskich asob i balnicy ŭ Alepa. Siońnia nie budzie prymacca rašeńniaŭ, ale ja chaču padkreślić, što ES pavinien zachavać usie varyjanty, u tym liku sankcyi, kali złačynstvy praciahnucca», — skazaŭ Tusk pierad pačatkam samitu Jeŭrasajuza ŭ Brusieli.
Premjer-ministr Niderłandaŭ Mark Rute taksama zajaviŭ, što nie padtrymlivaje pasłableńnie režymu sankcyj u dačynieńni da Rasii.
Jak adznačajecca ŭ čarnavym varyjancie rezalucyi samitu, jaki cytuje ahienctva Frans pres, Jeŭrasajuz hatovy razhladzieć roznyja varyjanty padaŭžeńnia sankcyj, u tym liku dadatkovyja abmiežavalnyja miery ŭ dačynieńni da asob i kampanij, jakija padtrymlivajuć režym prezidenta Siryi Bašara Asada.
