Amierykanskija ŭzbrojenyja siły pačali pierasadžvacca na novyja mabilnyja braniravanyja džypy, paviedamiŭ partał defencetalk.com.
Pieršyja siem mašyn L-ATV kampanija Oshkosh adpraviła na dniach na vajskovyja vyprabavańni ŭ častki Suchaputnych vojsk i Korpusa marskoj piachoty ZŠA. Usiaho za hety hod vajskoŭcy atrymajuć kala 100 novych džypaŭ.
wikimedia.org
Džypy L-ATV užo vyjhrali tendar na zamienu 17 000 lohkich taktyčnych aŭtamabilaŭ u amierykanskaj armii abjomam u $6,7 młrd, adnak zaraz vyprabavańni ŭ zvyčajnych častkach pavinny vyjavić «dziciačyja chvaroby» mašyn, jakija buduć vypraŭlacca pierad pačatkam bujnasieryjnaj vytvorčaści.
Ahułam kolkaść nabytych džypaŭ moža dajści da 54 600.
Vajskoŭcy atrymajuć čatyry madyfikacyi L-ATV - ahulnaha pryznačeńnia, ź lohkim i ciažkim uzbrajeńniem, šmatmetavy pikap. Mašyna maje masu 6,4 t, adaptyŭnuju padviesku, modulnuju braniu, moža desantavacca z parašutam. Ruchavik maje abjom 6,6 litra i mahutnaść 300 k.s.
Džyp moža nieści kulamiot kalibru 7,62 mm, 40-milimietrovy aŭtamatyčny hranatamiot, supraćtankavy rakietny kompleks ci inšaje ŭzbrajeńnie, jakoje možna stavić na źniešni dystancyjna kiravany modul.
Znakamityja Humvee (High Mobility Multipurpose Wheeled Vehicle — Vysokamabilnaja šmatmetavaja kołavaja mašyna) stali na ŭzbrajeńnie armii ZŠA jašče ŭ 1985 hodzie i ŭdzielničali praktyčna va ŭsich vojnach i kanfliktach, jakija vialisia z tych časoŭ Amierykaj.
Humvee ŭ Iraku, 2006 hod. Fota wikipedia.org
Paśla Vajny ŭ Piersidskim zalivie ŭ 1991 hodzie mašyna, jakaja rehularna traplała ŭ abjektyvy žurnalistaŭ, stała takoj papularnaj, što ŭ 1992 hodzie źjaviŭsia jaje cyvilny varyjant — Hummer.
