U svaim hastranamičnym padarožžy pa śviecie brytaniec Džon Uoren dajechaŭ da Biełarusi - vyjšaŭ novy vypusk šou «Pojediem, pojedim!», źniaty ŭ našaj krainie.
Džon Uoren pabyvaŭ u Biełarusi dvojčy. Uletku 2014 hoda jon jeździŭ u Minsk, Połack i Lidu, pryhatavaŭ vieraščaku, adznačyŭ Kupalle i acaniŭ biełaruski trykataž. A litaralna miesiac tamu pabyvaŭ u Minsku, Mahilovie, Turavie i ŭ salihorskaj balnicy śpielealačeńnia.
U prahramie, źniataj dla NTV, Džon Uoren stancavaŭ na siaredniaviečnaj dyskatecy, pakaštavaŭ draniki, a taksama daviedaŭsia, čamu śniehavikoŭ u Biełarusi lepiać ź siena, a italjanskuju opieru słuchajuć na praduktovym rynku. Zrešty, čytačy Tut.by daviedalisia pra niekatoryja sakrety ad samoha Uorena. Naprykład, jon pryznaŭsia, što zładziŭ na Kamaroŭcy nievialiki fłešmob.
«My schavali traich śpievakoŭ u roznych miescach. Adzin pradaviec, druhi pakupnik, a treciaja dziaŭčyna piła kavu, — raspaviadaŭ Džon. — I jak tolki pačała hrać muzyka, jany pačali śpiavać. Usie ačmureli, pačali zdymać na telefony. My navat zrabili dva dubli — nastolki heta było kruta!».
