Aktyvist Zmicier Daškievič razam z paplečnikami siońnia, 27 kastryčnika, adniesli ŭ Ministerstva kultury bolš za 10 tysiač podpisaŭ za nadańnie bieł-čyrvona-biełamu ściahu statusu niemateryjalnaj historyka-kulturnaj kaštoŭnasci.
Zbor podpisaŭ prachodziŭ u Minsku z 19 vieraśnia pa 19 kastryčnika. Daškievič pryjšoŭ siońnia z šaściu chłopcami, jakija nazbirali asnoŭnuju kolkaść podpisaŭ.
«Miarkuju, my hetym prykładam zaśviedčyli, što ŭ Biełarusi možna pracavać i kamunikavać z hramadstvam. Hałoŭnaje — my spravilisia».
Daškievič prynios ściah u padarunak dla ministerstva. «Podpisy zbiralisia nie raz, i Minkult u adnym sa svaich adkazaŭ zajaviŭ, što niama ściaha, jaki možna pryznać histaryčnaj kaštoŭnaściu. Tamu my prykładziem ściah da podpisaŭ, navat padorym jaho!», — skazaŭ jon.
U kabiniecie №605 Zmitra spytali, ci heta jon padavaŭ kalektyŭny zvarot praz internet. Paśla stanoŭčaha adkazu supracoŭnicy zajavili, što adkaz na list z elektronnymi podpisami ŭžo adpraŭleny. Zmicier adkazaŭ, što ničoha nie atrymoŭvaŭ i paprasiŭ asobna pryniać fizičnyja podpisy.
«My zrabili kopii podpisaŭ na toj vypadak, kali vy ich zhubicie», — iranizavaŭ Daškievič.
Supracoŭniki prapanavali ŭručnuju padličyć kožny podpic. Źmicier prapanavaŭ padličyć arkušy sa zvarotami, bo na kožnaj papiercy adnolkavaja kolkaść podpisaŭ. U vyniku supracoŭniki vydali rehistracyjnuju papierku i paabiacali padličyć usie pieradadzienyja podpisy.
