Za ŭžyvańnie zabaronienych preparataŭ u biełaruskaj ciažkaatletki Maryny Škiermankovaj zabrali bronzavy miedal Alimpijskich hulniaŭ-2012 u Łondanie.
Infarmacyja pra heta raźmieščana na aficyjnym sajcie Mižnarodnaha alimpijskaha kamiteta, paviedamlaje BiełTA.
Na łondanskaj Alimpijadzie Maryna Škiermankova zaniała 3-je miesca ŭ vahavoj katehoryi da 69 kh. Paśla pierapravierki dopinh-probaŭ ŭ jaje byli vyjaŭlenyja zabaronienyja anabaličnyja steroidy, jak i ŭ jašče dvuch biełaruskich ciažkaatletaŭ — Jaŭhiena Žarnasieka, jaki zaniaŭ 9-je miesca ŭ vahavoj katehoryi zvyš 105 kh, i Dziny Sazanaviec, jakaja apynułasia na 4-m miescy ŭ vazie da 69 kh ŭśled za Škiermankovaj.
Raniej paviedamlałasia, što za ŭžyvańnie dopinhu na Alimpijadzie-2008 u Piekinie miedali zabrali ŭ jašče dvaich pradstaŭnikoŭ Biełarusi: Andreja Rybakova (srebra ŭ vahavoj katehoryi da 85 kh) i Anastasii Novikavaj (bronzaj u vahavoj katehoryi da 53 kh).
