Minharvykankam admoviŭ u praviadzieńni akcyi ŭ pamiać achviar savieckich represij 7 listapada, paviedamiŭ adzin z zajaŭnikaŭ mierapryjemstva staršynia ruchu «Za Svabodu» Juryj Hubarevič.
Zajaŭka na akcyju, padpisanaja Hubarevičam, staršynioj Abjadnanaj hramadzianskaj partyi Anatolem Labiedźkam i sustaršynioj arhkamiteta pa stvareńni partyi «Biełaruskaja chryścijanskaja demakratyja» Vitalem Rymašeŭskim, była padadzienaja ŭ Minharvykankam 21 kastryčnika.
Palityki prasili staličnyja ŭłady dazvolić zbor udzielnikaŭ akcyi a 12-j hadzinie kala budynka KDB, šeście pa praśpiekcie Niezaležnaści da parku Čaluskincaŭ — miesca pachavańnia achviar stalinskich represij. Inicyjatary mierapryjemstva padkreślivajuć, što heta dzień pamiaci i smutku i zadača demakratyčnych sił — zrabić tak, kab «novaje pakaleńnie biełarusaŭ razumieła, da čaho pryviali padziei 7 listapada 1917 hoda».
Jak paviedamiŭ Hubarevič, minskija ŭłady admovili ŭ praviadzieńni akcyi pa troch pryčynach. Pa-pieršaje, dva inšyja zajaŭniki mierapryjemstva Anatol Labiedźka i Vital Rymašeŭski nie mohuć być arhanizatarami vuličnych akcyj, bo na praciahu hoda dva ci bolš razoŭ pryciahvalisia da administracyjnaj adkaznaści za ŭdzieł u niesankcyjanavanych akcyjach abo za arhanizacyju ich.
Pa-druhoje, inicyjatary akcyi da jaje dazvołu abnarodavali čas i farmat praviadzieńnia mierapryjemstva. I pa-treciaje, na dumku vykankama, miesca zboru ŭdzielnikaŭ akcyi i jaje maršrut nie adpaviadajuć patrabavańniam zakanadaŭstva ab masavych mierapryjemstvach.
Hubarevič padkreśliŭ, što akcyja adbudziecca ŭ lubym vypadku, navat niahledziačy na aficyjnuju admovu ŭ jaje praviadzieńni. Pavodle jaho słoŭ, zbor udzielnikaŭ akcyi pryznačany na 12 hadzin 7 listapada nasuprać budynka KDB. Bolš padrabiazny farmat mierapryjemstva budzie abnarodavany 2 listapada paśla kansultacyj arhanizataraŭ akcyi.
