Zaviaršyłasia asnoŭnaja pieramoŭnaja častka vizitu Alaksandra Łukašenki ŭ Abjadnanyja Arabskija Emiraty.
«3—4 listapada kiraŭnik dziaržavy pa zaprašeńni emirackaha boku haściuje ŭ naślednaha prynca Abu-Dabi, namieśnika viarchoŭnaha hałoŭnakamandujučaha Uzbrojenymi siłami AAE šejcha Muchamieda bien Zaida al-Nachajana», — paviedamiła pres-słužba kiraŭnika biełaruskaj dziaržavy.
Płanujecca, što ŭ subotu, 5 listapada, adbudziecca zaklučnaja sustreča Łukašenki z kiraŭnictvam AAE, na jakoj buduć padviedzieny pieršyja vyniki vizitu i abmierkavany kankretnyja sumiesnyja prajekty, prapracoŭkaj jakich baki zajmalisia ŭ hetyja dni.
Łukašenka ŭ chodzie naviedvańnia krain Blizkaŭschodniaha rehijonu ažyćciaviŭ aficyjny vizit u Dziaržavu Katar i rabočy vizit u AAE. U Katary jon pravioŭ pieramovy z emiram šejcham Tamimam bien Chamadam al-Tani. Baki damovilisia nadać novaje napaŭnieńnie dvuchbakovamu handlova-ekanamičnamu i inviestycyjnamu supracoŭnictvu. Padpisany pakiet dakumientaŭ ab raźvićci ŭzajemadziejańnia ŭ roznych śfierach, u tym liku finansaŭ, achovy zdaroŭja, akademičnaha i navukovaha supracoŭnictva VNU. Zaklučany miemarandum ab uzajemarazumieńni pamiž bankami raźvićcia Biełarusi i Katara.
U AAE Alaksandr Łukašenka sustreŭsia z Muchamiedam bien Zaidam al-Nachajanam. Baki abmierkavali kirunki ŭzajemavyhadnaha supracoŭnictva dźviuch krain u roznych halinach, siarod jakich śfiery handlova-ekanamičnaha i inviestycyjnaha ŭzajemadziejańnia. Łukašenka taksama pravioŭ pieramovy ź vice-prezidentam, premjer-ministram i ministram abarony AAE, pravicielem emirata Dubaj šejcham Muchamiedam bien Rašydam al-Maktumam.
