Najlepšaj karcinaj konkursu filmaŭ dla dziciačaj i junackaj aŭdytoryi «Listapadzik» u 2016 hodzie stała rabota francuzskaha režysiora Mišela Handry «Mikrob i Bienzin». Žury abviaściła pieramožcaŭ 8 listapada.
Film źjaŭlajecca ŭładalnikam uznaharod mižnarodnaha kinafiestyvalu ŭ Rya-de-Žaniejra 2015 hoda ŭ prahramie «Suśvietnaja panarama» i mižnarodnaha kinafiestyvalu ŭ Sietle (ZŠA, 2016) u konkursie «Nastupnaja chvala».
Historyja raspaviadaje pra ŭzajemaadnosiny školnikaŭ-siabroŭ pa mianuškach Mikrob i Bienzin ź cichaha pryharada Paryža. Mikroba prazvali tak tamu, što jon subtylny «batanik» i jaho časta pamyłkova prymajuć za dziaŭčynku. Bienzin — źjedlivy «technar», jaki vydatna raźbirajecca ŭ miechanizmach, ale tak i nie zavioŭ nivodnaha sapraŭdnaha siabra. Bienzina pieravodziać u kłas Mikroba, i chłopčyki chutka znachodziać ahulnuju movu. Ich siabroŭstva tolki macnieje, kali jany pačynajuć źbirać ułasny ekstravahantny «drandulet».
Mišel Handry — niezaležny režysior, scenaryst i pradziusar. Viadomy svaim aryhinalnym vizualnym stylem i pracaj ź mizanscenaj.
Pryzy za najlepšuju dziciačuju rolu i najlepšuju dziciačuju rolu druhoha płana atrymaŭ film «Pryhody Neli». Režysior — Daminik Vieseli (Hiermanija).
Uznaharoda ŭ naminacyi «Najlepšaja praca darosłaha akciora ŭ dziciačym filmie» dastałasia Džordanu Prentysu za stužku «Na ŭzroŭni vačej» (Hiermanija) režysioraŭ Evi Holdbriunera i Joachima Dolchapfa. Karcina taksama atrymała śpiecyjalny pryz žury.
Dypłom «Samaaddanaść apieratarskaj pracy pry apiavańni pryhažości navakolnaha śvietu. Najlepšaja apieratarskaja praca» atrymaŭ apieratar Sajman Niblet za film «Maleńkaja palaŭničaja ź bierkutam» (ZŠA, Vialikabrytanija, Manholija).
Dypłoma «Za pieršaje darosłaje rašeńnie ŭ žyćci padletka» ŭdastojeny film «Varatar» (Bielhija, Francyja, Šviejcaryja, režysior Hijom Sienies).
Bałharski film «Žalejka» Elizy Pietkavaj atrymaŭ dypłom «Majsterstva režysury i vytančanaść kinamovy».
Konkurs filmaŭ «Listapadzik» štohod pravodzicca ŭ ramkach Minskaha mižnarodnaha kinafiestyvalu «Listapad».