Vyniki i prajekcyi «Ńju-Jork tajms» čytaj tut.
Anłajn Rojterz z padliku hałasoŭ čytaj tut.
Anłajn-źviestki Politico.com pra kolkaść atrymanych hałasoŭ čytaj tut.
U vypadku pieramohi Chiłary Klintan mahła b stać pieršaj prezidentkaj ZŠA ŭ historyi. Fota Rojterz.
Sistema vybaraŭ prezidenta ŭ ZŠA adroźnivajecca ad sistemy vybaraŭ skažam, u Francyi. Jana ŭ svoj čas była prydumanaja dla ŭmacavańnia fiederatyŭnaj sistemy, kab nie ŭźnikła daminacyi vialikich štataŭ nad małymi. Tamu prezidenta abirajuć nie pramym hałasavańniem, a praz kalehiju vybarščykaŭ.
Kožny štat vybiraje peŭnuju kolkaść vybarščykaŭ. Samy hustanasieleny — Kalifornija — pasyłaje ich 55. Samyja małanasielenyja — pa 3. Takim čynam, małyja štaty pasyłajuć na dušu nasielnictva trochi bolš delehataŭ, čym vialikija.
Akramia taho, u siłu tradycyi bolšaść štataŭ pasyłajuć vybarščykaŭ pa pryncypie «winner takes all» — h.zn. usie vybarščyki ad dadzienaha štata hałasujuć za taho kandydata, jaki nabraŭ u im bolšaść hałasoŭ.
Źmiena ŭsieahulnych rejtynhaŭ Klintan i Trampa na sioletnich vybarach značyć nie tak šmat, jak ich papularnaść u dziasiatku «niavyznačanych štataŭ».
Kalifornija masava hałasuje za demakrataŭ, i nie maje vialikaha značeńnia, atrymaje tam Klintan 60 ci 65%. Hetaksama Techas hałasuje za respublikancaŭ, i nie tak važna, atrymaje tam Tramp 51 ci 52%. U kožnym razie ŭsie vybarščyki ad Kalifornii pajeduć za Klintan, a ŭsie ad Techasa — za miljardera.
A voś Fłaryda, Paŭnočnaja Karalina i niekalki mienšych štataŭ, jak Ńju-Hempšyr, vyrašać los vybaraŭ.
Partał palityčnaha analizu Realclearpolitics: sinija štaty daduć vialikuju pieravahu Klintan, błakitnyja prahałasujuć za jaje ź mienšaj pieravahaj. Čyrvonyja prahałasujuć za Trampa, ružovyja addaduć jamu pieravahu. A vynik vybaraŭ vyznačać štaty, zafarbavanyja šerym. Tam roźnica miž kandydatami składaje mienš za 5% hałasoŭ.
9:45
U Klintan — 215.
U Trampa — 264.
8:50
U Klintan — 215.
U Trampa — 244.
8:20
U Klintan — 209.
U Trampa — 238.
7:40
U Klintan — 209.
U Trampa — 216.
6:56
Tramp pavialičyŭ adryŭ da 197 suprać 131, paviedamlaje Vašynhton Post.
6:46
Tramp napieradzie — 168 suprać 109.
6:30
Tramp pavialičvaje adryŭ — 150 suprać 109.
05:40
Tramp znoŭ vyrvaŭsia napierad — 137 suprać 104.
04:44
Pa stanie na 04:44 Klintan apiaredžvaje Trampa z vynikam 68:66. Tramp pieramoh u Ałabamie, Tenesi, Paŭnočnaj Dakocie.
Klintan pieramahaje ŭ Ilinojsie, Misury i Ahajo.
02:55
Pa dadzienych The Washington Post, Tramp pieramoh u Kientuki, Indyjanie, Zachodniaj Viržynii (24 hałasy kalehii vybarščykaŭ: 11+8+5).
Klintan pieramahaje ŭ Ńju-Hiempšyry (try hałasy kalehii vybarščykaŭ).
Źviestki pa Fłarydzie mianiajucca kožnyja piać chvilin.