Palicyja zatrymała 40-hadovaha biespracoŭnaha, jakomu złamany bankamat na ŭschodzie Maskvy vydaŭ paŭmiljona rasijskich rubloŭ (kala 8 tysiač dalaraŭ), piša VVS.
ria.ru
Mužčynu, jaki pryjechaŭ u rasijskuju stalicu ź Biełharodskaj vobłaści, padazrajuć u kradziažy hrošaj z bankamata.
«Jak vyjaŭlena, pry źniaćci srodkaŭ bankamat vydaŭ padazravanamu zamiest čatyroch — 20 tysiač rubloŭ. Skarystaŭšysia techničnym zbojem, mužčyna źniaŭ u ahulnaj kolkaści paŭmiljona rubloŭ», — havorycca ŭ paviedamleńni pres-słužby UUS pa Uschodniaj administracyjnaj akruzie Maskvy.
Pošuki padazravanaha pačalisia, kali ŭ palicyju źviarnuŭsia pradstaŭnik banka, z bankamata jakoha byli źniatyja hrošy.
Pa fakcie źniaćcia najaŭnych raspačataja kryminalnaja sprava pa artykule «kradziež», maksimalny termin pakarańnia pa jakoj składaje šeść hadoŭ turmy. Padazravany adpuščany pad padpisku ab niavyjeździe.