Učora ŭ ZŠA adbylisia vybary prezydenta. Jak i čakałasia, vybrali Trampa. Dla Biełarusi heta moža być lepšy varyjant, bo spadziavańni Kramla na hiešefty z Trampam nia spraŭdziacca. Narmalnaja Ameryka ŭzdychnuła z palohkaj. Jašče adnoj liberalnaj kučy jana ŭžo, vidać, nia vytrymała b.
Samaje važnaje, što Tramp abiacaŭ u vypadku abrańnia vyčyścić aŭhijevyja kaniušni karupcyi i parazityzmu. U hetuju katehoryju ŭvachodzić i kłan Klintanaŭ. Tramp zajaviŭ pierad vybarami, što pryznačyć specyjalnaha prakurora i zaachvocić śledztva pa spravie Hilary Klintan.
I voś ciapier toj, chto cikavicca, čaho možna čakać ad prezydenta Trampa, toj niachaj naziraje, ci pačnie Tramp spravu suprać hetaj asoby i tych, chto za joj. Kali pačnie — to dobra. Złačynstva musić być pakaranaje. Kali nie — to heta značyć, što adna mafija parazumiełasia z druhoj mafijaj «dziela adzinstva i stabilnaści Ameryki». I na hetym — Amen. Dalej možna nie hadać, čaho spadziavacca.
