Za dzieviać miesiacaŭ biahučaha hoda sacsłužbam Minska ŭdałosia pracaŭładkavać usiaho 11 asob biez peŭnaha miesca žycharstva, paviedamiła na pres-kanfierencyi ŭ Minsku 16 listapada namieśnik staršyni kamiteta pa pracy, zaniatasci i sacyjalnaj abaronie Minharvykankama Iryna Dudka.
Pavodle jaje słoŭ, asoby biez peŭnaha miesca žycharstva nieaktyŭna iduć na kantakt z sacsłužbami, jašče mienš nastrojenyja na sacyjalizacyju i viartańnie da narmalnaha ładu žyćcia.
«Biaruć vopratku, ježu, načujuć i znoŭ sychodziać», — dadała pradstaŭnica vykankama.
Dudka zaznačyła, što ŭtrymańnie adnoj asoby biez peŭnaha miesca žycharstva abychodzicca biudžetu ŭ 432 rubli (biez charčavańnia) za miesiac.
Na siońnia ŭ staličnym Domie načnoha znachodžańnia zarehistravana 300 asob biez peŭnaha miesca žycharstva. Minułaj nočču tam načavali 48 čałaviek. Usiaho ž dom raźličany na 92 łožka-miescy, pry nieabchodnaści kolkaść možna pavialičyć, skazała Dudka.
Miž tym za 2015 hod, pavodle słoŭ Dudki, u sacsłužbach było zarehistravana 1.685 zvarotaŭ pa dapamohu ad biazdomnych ludziej. Padčas letašniaj akcyi «Sacyjalny patrul» pa vyjaŭleńni takich asob i akazańni im sacyjalnaj, miedycynskaj i jurydyčnaj dapamohi zarehistravana 362 zvaroty.
Sa studzienia pa vierasień biahučaha hoda dziaržaŭnymi słužbami sacyjalnaj padtrymki dzieviać čałaviek biez peŭnaha miesca žycharstva ź liku piensijanieraŭ i invalidaŭ byli ŭładkavanyja ŭ damy-internaty, piaci asobam dali žyllo, 25 — adnavili dakumienty i pryznačyli piensii.
Dudka raskazała, što siońnia siaredniestatystyčny čałaviek biez peŭnaha miesca žycharstva ŭ Minsku — mužčyna 40-45 hadoŭ ź nizkaj matyvacyjaj na sacyjalizacyju. Bolš za treć ź ich majuć žyllo i rehistracyju, ale čaściej za ŭsio z domu ich vyhaniajuć svajaki.
U asnoŭnym u hetuju katehoryju asob uvachodziać ludzi, jakija pakutujuć ad ałkahalizmu, radziej — narkamanii. 25% ź liku asacyjalnych asob — žančyny.
Taksama jana dadała, što ŭ ramkach mierapryjemstvaŭ pa sacyjalnaj padtrymcy asob biez peŭnaha miesca žycharstva ŭ Minsku z nastupnaha tydnia startuje ŭžo čaćviortaja pa liku akcyja «Sacyjalny patrul», nakiravanaja na vyjaŭleńnie i akazańnie im sacyjalnaj, miedycynskaj i jurydyčnaj dapamohi. Sioleta da «Sacyjalnaha patrulu» dałučajecca Biełaruskaja pravasłaŭnaja carkva, u pryvatnaści Śviata-Jelizaviecinski manastyr, jaki maje dobry vopyt u sacyjalizacyi biazdomnych asob, zaznačyła pradstaŭnica Minharvykankama.
Manastyr maje haspadarčy padvorak, dzie biez daviedak i dakumientaŭ prymajuć usich, chto maje patrebu ŭ dapamozie i reabilitacyi. Im dajecca prytułak, charčavańnie. Tut arhanizavanaja drevaapracoŭčaja vytvorčaść, traktarnaja stancyja, žyviolny dvor. Nasielniki padvorka pryciahnuty da pracy, hatujuć, prybirajuć, vyrablajuć carkoŭnuju i suvienirnuju pradukcyju, naviedvajuć słužby. Siońnia na haspadarčym padvorku manastyra, raźmieščanym u vioscy Łysaja Hara, pražyvaje i pracuje kala 170 čałaviek».
«My damovilisia ź miascovaj administracyjaj ab tym, što kali padčas patrulavańnia my budziem znachodzić sacyjalna niepaśpiachovych ludziej, jakija nie chočuć iści ŭ sacyjalnyja dziaržaŭnyja ŭstanovy, to budziem pryvozić ich na padvorak u Łysaj Hary», — skazała Dudka.
