Brytanski abaronny hihant BAE Systems pakazaŭ pieršy ekzemplar desantnaha bronietransparciora ACV dla Korpusa marskoj piachoty ZŠA, paviedamiŭ partał breakingdefense.com
Desantny BTR ACV. Tut i nižej fota breakingdefense.com
Novaja 34-tonnaja mašyna 8ch8, madernizavany varyjant italjanskaha BTR SuperAV, pavinna zamianić sučasnyja desantnyja šturmavyja mašyny AAV-7, raspracavanyja jašče ŭ 1970-ja hady.
U adroźnieńnie ad italjanskaj mašyny, ACV maje novuju tranśmisiju, šyny, pavialičanuju na 40% mahutnaść ruchavika, bolš surjoznuju braniu. Mahutny ruchavik u budučym dazvalaje pastavić i bolš surjoznaje ŭzbrajeńnie — supraćtankavy kompleks ci aŭtamatyčnuju harmatu.
AAV-7 na vučeńniach.
BAE Systems udzielničaje ŭ konkursie na pastaŭku novych desantnych bajavych mašyn marskoj piachocie suprać BTR Terrex amierykanskaj kampanii SAIC, jakaja supracoŭničaje z kampanijaj Singapore Technologies.
Praciahły praces vybaru novaha ŭzoru desantnaha BTR, jak čakajecca, skončycca ŭ 2018 hodzie.
