Kiraŭnik Biełarusi Alaksandr Łukašenka raskazaŭ, jakija žyvioły ŭ jaho jość doma.
«U mianie try katy doma. Byvaje, pryjedzieš u viosku, adniekul katy vyłaziać. Potym Kola pryviazie damoŭ za pazuchaj», — kaža kiraŭnik dziaržavy.
A jakija ŭ vas jašče jość žyvioły, spytałasia žurnalistka ź Jakucii.
«Oj, u mianie ŭsich vielmi mnoha. Jość strausy, indakački, kački, 25 husianiat, kury kitajskija, kury zvyčajnyja, indyki (štuk 10), trusy, raniej ich šmat było, ale razdaŭ, zastałosia kala 20, ja ich nie jem, nie daj boh dzicia pabačyć, dziesiać karovaŭ, kozy, aviečki, 7-8 kaniej. Jašče ŭ mianie 4 sabaki — dźvie łajki, łabrador, niamieckaja aŭčarka.
Niadaŭna pryjechaŭ u Maskvu, mnie Baradzin kaža: «Alaksandr Ryhoravič, ja vašamu synu sabaku pryvioz». Cicha-cicha, nie kažy ničoha! Skazaŭ užo. Daviałosia zabirać».
Łukašenka kaža, što ad dziacinstva pieranios luboŭ da žyvioł. Jon nazvaŭ siabie zajaŭziatym palaŭničym, ale za ŭsio žyćcio padstreliŭ tolki adnaho zajca.
