Krainy Arhanizacyi krain — eksparcioraŭ nafty (APIEK) damovilisia ab pieršym z 2008 hoda skaračeńni abjomaŭ zdabyčy nafty, piša DW.
Na sustrečy pradstaŭnikoŭ APIEK, jakaja prachodzić 30 listapada ŭ Vienie, uchvalenaja pryncypovaja damoŭlenaść pa hetym pytańni, paviedamlaje ahienctva Reuters sa spasyłkaj na ŭdzielnikaŭ pieramoŭ.
Aficyjna ab pryniatych u Vienie rašeńniach arhanizacyja abvieścić na praciahu dnia.
Na sustrečy APIEK ŭ Ałžyry ŭ vieraśni 2016 hoda była dasiahnutaja papiaredniaja damoŭlenaść ab skaračeńni štodzionnaj zdabyčy nafty z 33,6 młn baralaŭ da 32,5 młn baralaŭ. Aficyjna aformić heta rašeńnie APIEK mieła namier u listapadzie.
Hetaja miera, jak spadziajucca krainy, jakija zdabyvajuć naftu, dapamoža stabilizavać ceny na «čornaje zołata» na mižnarodnych rynkach.