Były ministr adukacyi Michaił Žuraŭkoŭ, jakoha niečakana na pasadzie źmianiŭ lidar kamunistyčnaj partyi Ihar Karpienka, viarnuŭsia pracavać u BDU. Jon pa-raniejšamu ŭznačalvaje kafiedru tearetyčnaj i prykładnoj miechaniki miechanika-matematyčnaha fakulteta.
Pra heta Žuraŭkoŭ raspavioŭ Jeŭraradyjo.
«Užo na kafiedry, razmaŭlaju ciapier sa svaimi kalehami sa Šviecyi. U nas šmat cikavych prajektaŭ. Praciahvaju pracavać tam ža, dzie i pačynaŭ, — ciapier zahadčyk kafiedry».
Da taho jak zaniać ministerskuju pasadu, Michaił Žuraŭkoŭ šmat hadoŭ pracavaŭ u BDU, jon byŭ dekanam miechanika-matematyčnaha fakulteta, prarektaram univiersiteta. Na pasadzie ministra adukacyi jon prabyŭ dva hady. Za hety čas jon anansavaŭ šmat reformaŭ: čaćviorty pradmiet na testavańni, niezaležnaja atestacyja dla dzieviacikłaśnikaŭ, nacyjanalny ekzamien dla vypusknikoŭ škoł.
Pry Michaile Žuraŭkovie Biełaruś pryniali ŭ Bałonski praces, u škole pavialičyłasia kolkaść hadzin vykładańnia biełaruskaj movy, źjaviŭsia «bazavy padručnik». Svaju adstaŭku były ministr adukacyi kamientavać nie staŭ: «Tut užo ŭsio skazana».
