U ZŠA va ŭzroście 86 hadoŭ pamior pradprymalnik i pramoŭter Ałan Uiljams, jaki ličycca pieršaadkryvalnikam i pieršym mieniedžaram hurtu «Bitłz».
Ałan Uiljams (pieršy źleva) na fatahrafii, zroblenaj u 1960 h. Džonam Lenanam.
Uiljams ŭ 1957 hodzie adkryŭ kaviarniu «Džakaranda», jakaja stała papularnym miescam siarod miascovych maładych muzykaŭ u Livierpuli.
Poł Makartni, Džon Lenan i adnakurśnik Lenana Ściuart Satklif, što naviedvali kłub, paprasili va Uiljamsa dazvołu syhrać u «Džakarandzie».
Z 1960 pa 1961 hod Uiljams užo pracavaŭ mieniedžaram «Bitłz» i zmoh arhanizavać dla hrupy pieršyja kancerty ŭ Brytanii i Hamburhu. Na vystup u Hamburhu jon asabista advioz muzykaŭ na arandavanym furhonie.
Ich šlachi z hrupaj razyšlisia ŭ 1961 hodzie, i ŭ nastupnym studzieni muzykanty padpisali piacihadovy kantrakt z Brajanam Epštejnam.
Uiljams u suaŭtarstvie napisaŭ miemuary pad nazvaj: «Ałan Uiljams: Čałaviek, jaki straciŭ «Bitłz».