U paniadziełak i aŭtorak, 9-10 studzienia, u niekatorych rajonach krainy projdzie karotkačasovy śnieh, na darohach hałalodzica. Marazy pačnuć trochi słabieć, paviedamlaje BiełTA sa spasyłkaj na Hidramiet.
Tempieratura pavietra ŭnačy prahnazujecca minus 13-20 hradusaŭ, pry prajaśnieńniach da minus 25. Dniom budzie ad 8 da 15 hradusaŭ, u asobnych rajonach 16-17 marozu, pa paŭdniovym uschodzie krainy načnyja tempieratury składuć 7-12 sa znakam minus, dniom budzie 3-7 marozu.
«Da siaredziny tydnia na terytoryju krainy pačnuć pastupać pavietranyja masy z Zachodniaj Jeŭropy, maroz asłabieje», — adznačyła Śviatłana Rybakova.
U sieradu, 11 studzienia, nadvorje budzie vyznačać pole panižanaha atmaśfiernaha cisku. U asobnych rajonach krainy projdzie karotkačasovy śnieh, na darohach hałalodzica. Tempieratura pavietra ŭnačy składzie minus 7-14 hradusaŭ, pry prajaśnieńniach jana panizicca da 19 hradusaŭ, dniom budzie 5-12 marozu.-
