Cykł śviataŭ nacyjanalnych kultur u Vierchnim horadzie Minska ŭ novym hodzie adkryjecca 3 červienia mierapryjemstvam, pryśviečanym šviedskaj kultury, paviedamiła 10 studzienia na pres-kanfierencyi ŭ Minsku dyrektar Respublikanskaha centra nacyjanalnych kultur (RCNK) Volha Antonienka.
Supracoŭniki centra, pavodle jaje słoŭ, zaraz viaduć pieramovy z pasolstvam Šviecyi ab prahramie mierapryjemstva.
Užo viadomyja daty jašče niekalkich śviataŭ nacyjanalnych kultur, skazała Antonienka. Tak, 10 červienia adbudziecca śviata ruskaj kultury, prymierkavanaje da Dnia Rasii, jaki tradycyjna adznačajuć 12 červienia. Śviata ŭkrainskaj kultury ŭ centry Minska projdzie 19 žniŭnia. Sieryja kulturnych mierapryjemstvaŭ zavieršycca 23 vieraśnia śviatam dahiestanskaj kultury.
Dyrektar RCNK paviedamiła, što sioleta pravieści dni svaich kultur u centry biełaruskaj stalicy majuć namier finy, hreki, cyhany, a taksama litoŭcy, łatyšy i estoncy, jakija arhanizujuć ahulnaje śviata kultur krain Bałtyi.
«U nas była sumiesnaja narada ź Minharvykankamam ab praviadzieńni Dnia Rasii, — paviedamiła Antonienka. — My vyrašyli, što sioleta my zrobim jaho ŭ vyhladzie śviata niepasredna ruskaj kultury, a nie kultur narodaŭ, jakija pražyvajuć u Rasii».
Na hetym śviacie, skazała jana, čakajecca vystup prafiesijnych i samadziejnych kalektyvaŭ z Branskaj vobłaści. Supracoŭniki centra taksama chočuć pryciahnuć na hetaje mierapryjemstva pradstaŭnikoŭ ruskaj dyjaspary z rehijonaŭ Biełarusi, u tym liku cyrkavyja kalektyvy, narodnyja teatry i bardaŭ.
«Budzie pracavać etnahrafičnaja vystava, vystava staražytnaj pravasłaŭnaj i sučasnaj ruskaj litaratury. Buduć kłuby ramieśnikaŭ, vystava samavaraŭ, sarafanaŭ, chustak, harmonikaŭ, matrošak, vyšyvanak, hančarnych vyrabaŭ, vyrabaŭ z dreva, pradmietaŭ kavalskaj spravy, Pakažam ruskija staradaŭnija hulni, baraćbu, histaryčnuju rekanstrukcyju, vystup skamarochaŭ, praviadziem majstar-kłasy pa ruskich karahodach, kadryli i šmat inšaha», — padkreśliła kiraŭnik RCNK.
Śviata pavinna atrymacca maštabnym, tamu arhanizatary majuć namier zaniać nie tolki placoŭku kala ratušy, ale i inšyja prydatnyja placoŭki ŭ Vierchnim horadzie.
Pavodle słoŭ Antonienki, ideja śviataŭ nacyjanalnych kultur u centry stalicy naležyć staršyni Minharvykankama Andreju Šorcu. Jana nahadała, što letaś byli prezientavanyja kultury narodaŭ Rasii, a taksama azierbajdžanskaja, armianskaja, hruzinskaja, jaŭrejskaja, italjanskaja, karejskaja, małdaŭskaja, polskaja i ŭkrainskaja kultury.
