Pobač z Pałacam Niezaležnaści i płoščaj Dziaržaŭnaha Ściaha chutka vyraście budynak Viarchoŭnaha suda Respubliki Biełaruś. Uzvodzicca jon na vuł. Arłoŭskaj niedaloka ad parku zabaŭ «Drymłend».
Pieršapačatkova razhladalisia roznyja placoŭki dla raźmiaščeńnia Viarchoŭnaha suda, pakul kančatkova nie vyznačyli hetaje miesca. Što łahična, bo ŭ takim vypadku źjaŭlajecca ceły kompleks sa znakavych dziaržaŭnych abjektaŭ.
Budaŭnictva i prajektavańnie iduć paralelna. Miarkujecca, što da kanca 2018 hoda novabudoŭla budzie hatovaja.
Padrabiaznaści karespandentu ahienctva «Minsk-Naviny» raspavioŭ hałoŭny architektar prajekta Uładzimir Archanhielski (UP «Minskprajekt»).
— Z adnaho boku, heta tradycyjny administracyjny budynak, z druhoha — jon maje svaje asablivaści. U im šmat kabinietaŭ, ale buduć i pakoi adpačynku, choły dla čakańnia, jość pamiaškańni asablivaha pryznačeńnia. Kab zrabić unutranuju płaniroŭku maksimalna efiektyŭnaj, vyrašana vykarystoŭvać kalidornuju sistemu. Tamu ŭnutry ŭsio davoli łakanična. Vyłučyć možna tolki hałoŭny paradny choł, jaki azdobleny naturalnym kamieniem. Hetu prastoru płanujecca ŭpryhožyć skulpturaj Fiemidy.
Što da vyhladu, dyk jon adpaviadaje stylu Pałaca Niezaležnaści — fasad vykanajuć sa škła i naturalnaha kamieniu, u azdableńni vykarystoŭvajuć nacyjanalny arnamient. I, viadoma, buduć prysutničać dziaržaŭnyja simvały: hierb i ściah. Kab padkreślić pryznačeńnie budynka, my vyrašyli nadać fasadu padabienstva z šalami Fiemidy — bahini pravasudździa. Heta padabienstva nie litaralnaje, ale całkam adhadvajecca.
U budynku 5 naziemnych pavierchaŭ i adzin padziemny z techničnymi i śpiecyjalnymi pamiaškańniami.
