Ilustracyjnaje fota, Sputnik.by
U Minsku supracoŭniki milicyi zatrymali 33-hadovaha mužčynu, jaki źbiŭ svajho susieda z-za miesca dla parkoŭki ŭ dvary doma pa vulicy Avanhardnaj. Pra heta paviedamiła aficyjny pradstaŭnik Partyzanskaha RUUS Natalla Hanusievič, piša auto.tut.by.
Kanflikt pamiž mužčynami zdaryŭsia 5 studzienia. 49-hadovy mužčyna rasčyściŭ u dvary doma parkovačnaje miesca dla mašyny žonki, jakaja pavinna była nieŭzabavie viarnucca z pracy. Ale pakul jon adnosiŭ rydloŭku, na hetaje miesca svoj aŭtamabil pryparkavaŭ susied. Mužčyna paprasiŭ jaho pierastavić aŭtamabil, ale toj admoviŭsia.
Zaviazałasia bojka, u vyniku jakoj 33-hadovy mužčyna nanios svajmu apanientu ŭdar u pachvinnuju vobłaść i vobłaść voka. Z traŭmami paciarpieły byŭ špitalizavany ŭ kliničnuju balnicu, dzie jamu zrabili amputacyju jaječka.
Druhoha mužčynu zatrymali. U dačynieńni da jaho raspačata kryminalnaja sprava pa artykule 155 Kryminalnaha kodeksa Respubliki Biełaruś (Pryčynieńnie ciažkaha abo mienš ciažkaha cialesnaha paškodžańnia pa nieaściarožnaści). Sankcyja hetaha artykuła praduhledžvaje pakarańnie ŭ vyhladzie abmiežavańnia voli terminam da 2 hadoŭ.
