Fiederalnaje biuro racśledavańniaŭ vyvučyła ŭ kancy śniežnia pieramovy ambasadara Rasii Siarhieja Kiślaka z amierykanskim hienierał-lejtenantam u adstaŭcy Majkłam Flinam, piša The Washington Post.
washingtonpost.com
Flin byŭ pryznačany prezidentam ZŠA Donaldam Trampam na pasadu daradcy pa nacyjanalnaj biaśpiecy, adnak jahonyja mahčymyja suviazi z Rasijaj vyklikali niedavier častki amierykanskaj raźviedvalnaj supolnaści i presy.
U pryvatnaści ŭvahu śpiecsłužbaŭ pryciahnuli niekalki telefonnych razmoŭ Flina z ambasadaram RF u ZŠA Siarhiejam Kiślakom 29 śniežnia, kali administracyja prezidenta Baraka Abamy abjaviła pra novyja sankcyi suprać Maskvy ŭ adkaz na rasijskija kibierataki.
Zhodna ź infarmacyjaj The Washington Rost atrymanaj ad krynic u FBR, razmovy nie ŭtrymlivali ničoha supraćzakonnaha.
U toj ža čas paviedamlajecca, što Flin nie byŭ cellu rasśledavańnia, piša hazieta.
Flin, jaki pachodzić ź siamji katalikoŭ irłandskaha pachodžańnia, ličycca ŭ ZŠA maskvafiłam, choć niezadoŭha da abrańnia Trampa jon nazyvaŭ Pucina «tatalitarnym dyktataram i bandytam, jaki nie ŭličvaje našy intaresy».