Prezident ZŠA padpisaŭ ukaz, jaki ŭmacuje jahonyja pazicyi siarod Respublikanskaj partyi, bo zabaraniaje dziaržaŭnuju dapamohu arhanizacyjam, jakija prapahandujuć aborty.
Były prezident Abama ŭ svoj čas admianiŭ ukaz, jaki byŭ pieršy raz pryniaty jašče respublikancam Ronaldam Rejhanam.
Reuters
Pry adnaŭleńni tradycyjnaj palityki respublikancaŭ Tramp jašče i pašyryŭ dziejańnie zabarony - kali raniej ukaz pazbaŭlaŭ pra-abortnyja arhanizacyi finansavańnia prykładna na $600 miljonaŭ, to zaraz amierykanski fiederalny biudžet moža zekanomić da $8 miljardaŭ, piša Politico.
Prychilniki abortaŭ u ZŠA, mnohija ź jakich vychodzili na dniach na tak zvany «Marš žančyn», rezka raskrytykavali rašeńnie Trampa.
U toj ža čas abaroncy čałaviečaha žyćcia z momantu začaćcia nazvali novy ŭkaz «praciaham spadčyny Ronalda Rejhana» i «chutkim dziejańniem u padtrymku pavahi da čałaviečaha žyćcia».
