Sacyjalnaja sietka pad nazvaj Lego Life ad suśvietna viadomaj dackaj kampanii ŭžo dastupnaja žycharam niekatorych krain na płatformach iOS i Android.
U kampanii adznačyli, što ŭ internecie možna znajści šmat supolnaściaŭ, pryśviečanych Lego, dzie karystalniki vykładvajuć svaje tvory na ŭsieahulny ahlad, a taksama aktyŭna ich abmiarkoŭvajuć. Ale takija hrupy isnujuć tolki dla darosłaj aŭdytoryi. Tamu ŭ kampanii pryniali rašeńnie stvaryć svojeasablivuju sacyjalnuju sietku, jakaja budzie padobnaja da Instagram. Raźličana jana na aŭdytoryju da trynaccaci hadoŭ. Junyja amatary kanstruktaraŭ Lego mohuć vykładvać fatahrafii svaich tvoraŭ, prahladać stužku sa zdymkami, jakija zahruzili inšyja karystalniki, i stavić im łajki.
Z ulikam taho, što Lego Life raźličanaja na dziaciej, usie akaŭnty tam buduć ananimnymi. Imiony karystalnikaŭ hienierujucca aŭtamatyčna, a dla svajho avatara karystalnik moža vybrać adnu ź fihurak Leha.
