Ułady pavinny aściarožna i razumna padychodzić da prablemy aptymizacyi biblijatečnych fondaŭ. Takoje mierkavańnie vykazaŭ namieśnik staršyni savieta Biełaruskaha fondu kultury Tadevuš Stružecki 7 lutaha na pres-kanfierencyi ŭ Minsku, pryśviečanaj 30-hodździu fondu.
Z 2010 hoda ŭ Biełarusi kolkaść publičnych biblijatek skaraciłasia bolš jak na dźvie tysiačy (2.180), adznačyŭ jon. Na dumku Stružeckaha, takoje vialikaje skaračeńnie stanovicca «surjoznaj prablemaj hramadstva».
«Naša zadača — abvastrać prablemy biblijatečnaj spravy, baranić i pryciahvać uvahu dziaržaŭnych, miascovych orhanaŭ, kab vielmi aściarožna i razumna padychodzili da prablemy aptymizacyi, skaračeńnia, pieramiaščeńnia i asabliva zachavańnia biblijatečnych fondaŭ», — adznačyŭ Stružecki.
Pavodle jaho słoŭ, fondy, jakija siońnia znachodziacca ŭ miascovych rajonnych biblijatekach, užo «nie buduć uznaŭlacca i, chutčej za ŭsio, nie buduć pieraviedzienyja ŭ elektronny varyjant». Tamu, padkreśliŭ jon, treba zachavać knižnyja aŭtentyčnyja materyjały, jakija pavinny buduć słužyć jašče nie adnamu pakaleńniu.
Zhodna sa źviestkami Nacyjanalnaha centra pravavoj infarmacyi Biełarusi, u krainie bolš za siem tysiač biblijatek, u tym liku pryblizna try tysiačy publičnych, jakija robiać važki ŭniosak u pavyšeńnie pravavoj infarmavanaści i pravavoj kultury hramadzian. Na ich bazie funkcyjanujuć bolš za 580 publičnych centraŭ pravavoj infarmacyi, jakija dajuć svabodny dostup hramadzianam da etałonnaj pravavoj infarmacyi, sadziejničajuć praviadzieńniu mierapryjemstvaŭ pa pravavoj aśviecie hramadzian.
