Fota: BiełTA
Pieramožcam muzyčnaj premii «Lira-2016» staŭ hurt «J:mors». Uznaharodžańnie pieramožcaŭ V Respublikanskaha konkursu «Nacyjanalnaja muzyčnaja premija ŭ halinie papularnaj muzyki «Lira» adbyłasia ŭ Minsku ŭčora, 9 lutaha, pieradaje BiełTA.
Žury konkursu, jakoje ŭznačaliŭ narodny artyst Biełarusi Anatol Jarmolenka, u naminacyi «Najlepšy kalektyŭ vykanaŭcaŭ» addało pieravahu hurtu «J:mors». Biełaruskamoŭnaja pieśnia hetaha ž hurtu «Blizka» była pryznanaja najlepšaj pieśniaj hoda.
Darečy, u naminacyi «Najlepšaja pieśnia na biełaruskaj movie» pieramožcam staŭ zusim inšy tvor — «Historyja majho žyćcia» hrupy NAVIBAND. Mienavita hetaja pieśnia dapamahła muzykam vyjhrać nacyjanalny adbor na sioletniaje «Jeŭrabačańnie».
Śpievaki Saša Niema i Ina Afanaśjeva nazvanyja najlepšymi vykanaŭcami Biełarusi 2016 hoda ŭ mužčynskaj i žanočaj naminacyi adpaviedna. A Dźmitryj Kałdun staŭ pieramožcam naminacyi «Našy za miažoj».
Uračystaja cyrymonija ŭručeńnia ŭznaharod premii «Lira» budzie pakazanaja na telekanale ANT 12 lutaha.
