Pra heta paviedamiŭ siońnia žurnalistam načalnik upraŭleńnia pahraničnaha kantrolu Dziaržaŭnaha pamiežnaha kamitetu Aleh Lašuk, pieradaje BIEŁTA.
Pry pierasiačeńni dziaržaŭnaj miažy ŭ punkcie propusku Nacyjanalnaha aeraporta Minsk treba mieć sapraŭdny pašpart ci inšy dakumient dla vyjezdu za miažu, jaki jaho zamianiaje, miedycynski strachavy polis. Strachoŭku možna budzie nabyć na miescy — u punkcie propusku, adznačyŭ Aleh Lašuk.
Akramia taho, dla ŭjezdu ŭ biaźvizavym režymie nieabchodna mieć pry sabie sumu na kožny dzień znachodžańnia ŭ valucie abo biełaruskich rublach, ekvivalentnuju nie mienš čym dvum bazavym vieličyniam (adna BV ciapier składaje Br23). Pry hetym turystam nieabaviazkova mieć pry sabie mienavita najaŭnyja. Tut kantrol pamiežnikam dapamohuć zabiaśpiečyć bankaŭskija rabotniki ŭ aeraporcie.
Pry pierasiačeńni miažy ŭ pašparcie i mihracyjnaj karcie hramadzianina prastaviać adpaviednyja adznaki. Ich pravierać na zvarotnym šlachu.
Orhany pamiežnaj słužby hatovyja svoječasova afarmlać turystaŭ, jakija buduć pryjazdžać u Biełaruś. Pamiežniki ŭžo majuć peŭny dośvied pracy va ŭmovach biaźvizavaha režymu. Jon dziejničaŭ padčas praviadzieńnia ŭ krainie čempijanatu śvietu pa chakiei. Trochdzionny biaźvizavy režym dziejničaje dla turystaŭ, jakija naviedvajuć Biełaviežskuju pušču, piacidzionny — dla tych, chto choča pabyvać na Aŭhustoŭskim kanale.
Aleh Lašuk dadaŭ, što Biełaruś i raniej vykarystoŭvała šerah mier, nakiravany na toje, kab nie dapuskać vyjezdu ŭ Rasiju asob, čyjo naviedvańnie RF niepažadana. «Miery ŭ hetym napramku buduć i dalej prymacca, kab nie dastavić našym susiedziam nijakich niazručnaściaŭ», — skazaŭ jon.
Jak paviedamlałasia, Biełaruś ad 12 lutaha ŭvodzić piacidzionny biaźvizavy režym dla hramadzian 80 krain. Jon raspaŭsiudžvajecca na 39 krain Jeŭropy, u tym liku ŭvieś Jeŭrasajuz, a taksama Braziliju, Indanieziju, ZŠA, Japoniju i inšyja dziaržavy. Abaviazkovaj umovaj biaźvizavaha naviedvańnia źjaŭlajecca prybyćcio ŭ krainu praz Nacyjanalny aeraport Minsk.
