Akcyi 19 dziaržaŭnych pradpryjemstvaŭ buduć prapanavany da prodažu ŭ 2017 hodzie. Ab hetym paviedamlajecca na sajcie Ministerstva pramysłovaści.
Dziaržava pradaje Hrodzienski zavod handlovaha mašynabudavańnia, Davyd-Haradocki elektramiechaničny zavod, AAT «Łantan», Minski zavod aciaplalnaha abstalavańnia, Viciebski pryborabudaŭničy zavod, Brescki radyjotechničny zavod, Brescki elektramiechaničny zavod, Homielski zavod vymiaralnych pryboraŭ i šerah inšych pradpryjemstvaŭ. Na prodaž budzie vystaŭleny ŭvieś pakiet akcyj, jakija naležać dziaržavie.
Dziaržava taksama hatova pradać kantrolny pakiet AAT «BATE» — kirujučaja kampanija chołdynhu «Aŭtakampanienty», AAT «Kirujučaja kampanija chołdynhu «Haryzont» i AAT «Homsielmaš» — ale tolki stratehičnamu inviestaru i pad kankretnyja inviestycyjnyja prajekty.
