Paśla paviedamleńniaŭ ab pusku rakiety KNDR Tramp i Abe vystupili pierad žurnalistami z sumiesnaj zajavaj. Abe nazvaŭ zapusk «absalutna nieprymalnym», a Tramp zajaviŭ, što ZŠA na sto adsotkaŭ padtrymlivajuć Japoniju. Fota: Getty Images.
Hałoŭny sakratar kabinieta ministraŭ Japonii Josichide Suha zajaviŭ, što zapusk balistyčnaj rakiety, jaki ŭłady KNDR ažyćciavili padčas vizitu premjer-ministra krainy Sindza Abe ŭ ZŠA i jaho pieramovaŭ z prezidentam Donaldam Trampam, źjaŭlajecca pravakacyjaj suprać Japonii i krain rehijonu, paviedamlaje RBK sa spasyłkaj na Reuters.
U Biełym domie pusk rakiety taksama nazvali pravakacyjaj, adnak patłumačyli, što jon nie staŭ siurpryzam. Pry hetym administracyja Trampa razhladaje šyroki śpiektr mahčymych adkazaŭ na dziejańni Pchieńjana, až da ŭzmacnieńnia sankcyj i pavieličeńnia vajskovaj prysutnaści ŭ rehijonie.
Viadoma, što kala 7:55 ranicy pa miascovym časie KNDR ździejśniła zapusk rakiety, jak miarkujecca balistyčnaj. Jana, pa źviestkach ź Sieuła, pralacieła kala 500 kiłamietraŭ i ŭpała ŭ Japonskim mory, nie zrabiŭšy škody.
Madel rakiety i jaje charaktarystyki buduć viadomyja paśla apracoŭki ŭsioj infarmacyi ab zapusku, pry hetym amierykanskija vajennyja ŭdakładnili, što rakieta naŭrad ci była mižkantynientalnaj. Pavodle papiarednich źviestak ź Pientahona, KNDR zapuściła rakietu siaredniaj dalnaści.
U piatnicu, 10 lutaha Tramp i Abe praviali aficyjnyja pieramovy ŭ Biełym domie, paśla čaho adpravilisia ŭ Fłarydu, dzie pradoŭžyli razmovu ŭ chodzie hulni ŭ holf. Tramp zajaviŭ paźniej, što jany z Abe «cudoŭna bavili čas».
