U rasijskim vajenna-marskim fłocie pryznali niemetazhodnym padymać na pavierchniu zatanułyja ŭ Mižziemnym mory źniščalniki avijanosca «Admirał Kuźniacoŭ» MiH-29K i Su-33. Pra heta vydańniu RNS paviedamili krynicy ŭ VMF i avijapramie Rasii.
Rasijski ciažki krejsier-avijanosiec «Admirał Kuźniacoŭ». Fota: Ministerstva abarony Vialikabrytanii
Jak udakładnili surazmoŭcy vydańnia, «paśla padzieńnia pałubnych źniščalnikaŭ pablizu bierahoŭ Siryi razhladałasia mahčymaść ich padjomu sa dna». «Adnak paśla acenki ŭsich faktaraŭ hetaja apieracyja pryznanaja niemetazhodnaj», — zajaviła krynica RNS.
Pavodle jaje, hłybinia, na jakoj znachodziacca zatanułyja źniščalniki, zapatrabavała b adpraŭki ŭ Mižziemnaje mora śpiecyjalnych hłybakavodnych aparataŭ, a taksama sudnaŭ dla pošukavych apieracyj.
«Heta dosyć darahoje mierapryjemstva. Pry hetym vydatki buduć nie zusim apraŭdanyja», — adznačyŭ surazmoŭca.
Pry hetym krynica ŭ adnoj z kampanij, jakija vypuskajuć karabielnyja samaloty ŭ Rasii, paviedamiła RNS, što vajenna-techničnaj nieabchodnaści ŭ padjomie źniščalnikaŭ niama.
«Na borcie samalotaŭ, viadoma, jość sakretnaje abstalavańnie, jakoje nie pavinna traplać u čužyja ruki», — zaŭvažyŭ jon, dadaŭšy, što «pierš za ŭsio, heta aparatura sistemy dziaržapaznavańnia».
«Ale pry katapultavańni lotčyka hetaje abstalavańnie pavinna aŭtamatyčna samaźniščacca», — zajaviŭ jon.
Na jaho dumku, elektronika na borcie źniščalnika navat paśla karotkaha znachodžańnia ŭ marskoj vadzie prychodzić u nieprydatnaść. Akramia taho, surazmoŭca vydańnia usumniŭsia ŭ tym, što hetaja aparatura ŭjaŭlaje cikavaść dla śpiecyjalistaŭ inšych krain i što «chtości b zachacieŭ zavałodać niejkimi sakretami, arhanizavaŭšy ekśpiedycyju, kab adšukać i padniać samaloty».
Karabli avijanosnaj hrupy Paŭnočnaha fłota Rasii na čale z «Admirałam Kuźniacovym» dla vykanańnia zadač pa baraćbie z teraryzmam u Siryi vyjšli ŭ pachod 15 kastryčnika minułaha hoda. Paviedamlałasia, što pavodle padlikaŭ RBK, Rasija vydatkavała na hety pachod ad $125 młn da $170 młn. Pry hetym daražej za ŭsio rasijskamu biudžetu abyšlisia dva zatanułyja pałubnyja źniščalniki — MiH-29K i Su-33. Na ich zamienu mahło pajści ad $70 młn da $103,4 młn.