Ministr zamiežnych spraŭ Biełarusi Uładzimir Makiej zrobić rabočuju pajezdku ŭ Maskvu 21—22 lutaha, paviedamiŭ u paniadziełak pres-sakratar biełaruskaha zamiežnapalityčnaha viedamstva Dźmitryj Mirončyk.
«21-22 lutaha adbudziecca rabočaja pajezdka ministra zamiežnych spraŭ Uładzimira Makieja ŭ Rasijskuju Fiederacyju. Asnoŭnaj jaje temaj źjaŭlajecca pavyšeńnie efiektyŭnaści ŭdziełu Biełarusi ŭ intehracyjnych strukturach, štab-kvatera jakich raźmieščana ŭ Maskvie», — skazaŭ aficyjny pradstaŭnik MZS Biełarusi.
Pa słovach Mirončyk, Makiej raźličvaje pravieści rabočuju sustreču sa svaim rasijskim kaleham Siarhiejem Łaŭrovym.
Jon adznačyŭ, što padčas hetaj sustrečy płanujecca abmierkavać aktualnyja pytańni dvuchbakovaha paradku dnia, uzajemadziejańnie na mižnarodnaj arenie i ŭ mižnarodnych arhanizacyjach, a taksama padrychtoŭku da śviatkavańnia 25-hadovaha jubileju ŭstanaŭleńnia dypłamatyčnych adnosin pamiž Biełaruśsiu i Rasijaj.
