Startuje samaje čakanaje, maštabnaje i pryhožaje mierapryjemstva biełaruskaha rynku nieruchomaści. U Minsku prajšła prezientacyja prafiesijnaj premii Realt Golden Key — 2017!
Užo treci raz budaŭničyja kampanii i ryełtarskija arhanizacyi Biełarusi syducca ŭ sumlennaj baraćbie za prava nazyvacca najlepšymi na rynku ŭ ramkach prafiesijnaj premii ŭ śfiery nieruchomaści Realt Golden Key — 2017. Start premii byŭ abvieščany na prezientacyi, jakaja adbyłasia 16 lutaha ŭ hateli «Reniesans Minsk». Na prezientacyi prysutničali pradstaŭniki arhanizatara premii, členy ekśpiertnaj rady, pradstaŭniki ŚMI, partniory i pradstaŭniki kampanij rynku nieruchomaści.
— Niahledziačy na niaprostaje ekanamičnaje stanovišča, budaŭničyja kampanii i ahienctvy nieruchomaści raźvivajucca, źjaŭlajucca novyja hulcy na rynku. Dumaju, usim budzie cikava daviedacca, chto ŭ hetym hodzie pieramoža ŭ premii i atrymaje załatyja klučy 2017 hoda.
U hetym hodzie rehłamient praviadzieńnia konkursu trochi źmianiŭsia. My idziom nasustrač kampanijam i dajem mahčymaść zajavicca da ŭdziełu ŭ premii biez apłaty ŭvachodnaha bileta. Heta svojeasablivaja antykryzisnaja prapanova, kab dać mahčymaść paŭdzielničać maksimalna vialikaj kolkaści kampanij. Hałasavańnie budzie składacca z dvuch etapaŭ — narodnaha i prafiesijnaha. Spačatku, pa tradycyi, za naminantaŭ buduć hałasavać karystalniki. U vyniku karystackaha hałasavańnia ŭ kožnaj naminacyi zastaniecca pa 3 finalisty. Dalej u vyznačanyja terminy projdzie hałasavańnie prafiesijanałaŭ rynku nieruchomaści. Śpis prafiesijanałaŭ rynku nieruchomaści farmujecca pa rekamiendacyi biełaruskaj asacyjacyi «Nieruchomaść». Dalej ekśpiertnaja rada premii padviadzie vynik prafiesijnaha hałasavańnia i vyznačyć pieramožcaŭ. U sprečnych situacyjach budzie prachodzić hałasavańnie členaŭ ekśpiertnaj rady.
Za apošnija dva hady šmat što źmianiłasia na rynku nieruchomaści, naviedvalnaść arhanizatara premii, partała Realt.by, pavialičyłasia amal da 500 tys. unikalnych naviedvalnikaŭ na miesiac (dadzienyja Google Analytics). Značyć, i kolkaść tych, chto hałasuje, taksama pavialičycca. Heta daść mahčymaść pryciahnuć bolš uvahi da konkursu i padvysić paznavalnaść naminantaŭ siarod spažyŭcoŭ, — raspavioŭ dyrektar partała Realt.by Alaksandr Martynienka.
U ekśpiertnuju radu Realt Golden Key — 2017 uvachodziać:
• staršynia ekśpiertnaj rady — Dźmitryj Chomič, hałoŭny redaktar haziety «Nieruchomaść Biełarusi»;
• Žanna Darožkina — kiraŭnik prajekta «PRA-nieruchomaść»;
• Taćciana Barzdova —zahadčyca kafiedry kiravańnia nieruchomaściu BDU DIKST, kandydat techničnych navuk, dacent;
• Kirył Šymko — biełaruski stronhmen, rekardsmien Knihi rekordaŭ Hiniesa;
• Iryna Kaleśnikava — načalnik Respublikanskaha centra kiravańnia jakaściu ŭ budaŭnictvie RUP «Biełbudcentr»;
• Alaksandr Černikaŭ — hałoŭny inžynier RUP «DziaržBudInžynirynh»;
• Anastasija Lebiedzieva — namieśnik staršyni praŭleńnia Mižnarodnaha dabračynnaha fondu Juryja Rozuma ŭ SND i ES».
— Jak staršynia ekśpiertnaj rady konkursu, chaču skazać, što my budziem maksimalna abjektyŭnyja. Praces hałasavańnia budzie prazrystym, usio budzie aśviatlacca ŭ presie. U taki składany čas ŭdzieł u konkursie vielmi važny. Bo ŭvachod na konkurs u hetym hodzie biaspłatny, to heta vydatnaja mahčymaść dakazać sabie i kaleham, što vy najlepšyja na rynku, što vy čahości vartyja — heta hałoŭnaja pryčyna ŭziać udzieł u konkursie, — vykazaŭsia staršynia ekśpiertnaj rady premii Realt Golden Key — 2017 Dźmitryj Chomič, hałoŭny redaktar haziety «Nieruchomaść Biełarusi».
Cyrymonija ŭznaharodžańnia konkursu budzie praviedziena ŭ Pałacy Respubliki 15 červienia. Va ŭračystaj abstanoŭcy pieramožcy atrymajuć svaje załatyja klučy. Svajo mierkavańnie nakont udziełu ŭ premii vykazaŭ staršynia biełaruskaj asacyjacyi «Nieruchomaść» Mikałaj Prastałupaŭ:
— Biełaruskaja asacyjacyja «Nieruchomaść» z samaha pačatku aktyŭna padtrymlivaje konkurs Riełt Załaty kluč. Ja liču, što praviadzieńnie prafiesijnych konkursaŭ u pieršuju čarhu spryjaje palapšeńniu jakaści raboty kampanij i pavyšaje imidž udzielnikaŭ.
Premija Realt Golden Key — 2015 była adznačanaja łozunham: «Zrušym rynak nieruchomaści razam». Spačatku ŭ pieranosnym sensie, a potym — u litaralnym. Kirył Šymko, biełaruski vołat, rekardsmien Knihi rekordaŭ Hiniesa zrušyŭ ź miesca viežavy kran vahoj 118 ton!
U hetym hodzie premija projdzie pad devizam: «Nieruchomaść jak muzyka — mianiaje śviet».
Dabračynnaść zajaŭlena ŭ jakaści hienieralnaj idei praviadzieńnia premii ŭ 2017 hodzie. Partnioram Realt Golden Key — 2017 staŭ Mižnarodny dabračynny fond Juryja Rozuma ŭ SND i ES. Arhanizatary vyrašyli nakiravać uvieś prybytak na padtrymku muzyčna adoranych dziaciej Biełarusi, stypiendyjataŭ Fondu Juryja Rozuma, u tym liku dziaciej z abmiežavanymi mahčymaściami.
A pieramožcy i partniory premii atrymajuć zaprašeńni na Mižnarodny dabračynny muzyčny hała-viečar «Rozum-KŁUB», dzie projdzie kancert stypiendyjataŭ fondu.
— Mižnarodnamu fondu narodnaha artysta Rasii Juryja Rozuma vielmi pryjemna być partnioram i dobraatrymalnikam premii. Spadziajusia, što dapamoha ŭ ramkach premii ŭmacuje finansavuju asnovu našaj arhanizacyi, dazvolić nam paśpiachova pracavać, raźvivacca i realizoŭvać dabračynnyja prajekty na terytoryi Biełarusi. Ja b chacieła vykazać vialikuju ŭdziačnaść partału Realt.by i asabista Alaksandru Martynienku za padtrymku fondu, bo partał staŭ našym hienieralnym partnioram u 2017 hodzie.
Asnoŭnaja dziejnaść fondu — heta dapamoha i padtrymka tvorča adoranych dziaciej, jakich my adbirajem praz štohadovy konkurs prasłuchoŭvańnia. Siarod ich jość dzieci z abmiežavanymi mahčymaściami. Fond isnuje 10 hadoŭ u Rasii i druhi hod u Biełarusi. Asnoŭnaja prahrama fondu — heta stypiendyjalnaja prahrama, jakaja praduhledžvaje vypłatu štomiesiačnaj materyjalnaj dapamohi stypiendyjatam fondu, — raspaviała Anastasija Lebiedzieva, namieśnik staršyni praŭleńnia Mižnarodnaha dabračynnaha fondu Juryja Rozuma ŭ SND i ES.
Padčas prezientacyi Realt Golden Key — 2017 hości i sponsary premii naciešylisia virtuoznym vykanańniem muzyčnych tvoraŭ ad stypiendyjataŭ fondu Juryja Rozuma — Lizaviety Lasun (vijałančel), Bahdana Harkavienka (hitara), Šantal Buniatavaj (vakał), Alaksandry Arbuzavaj (skrypka) — i zmahli acanić, nakolki biełaruskija dzieci talenavityja i adoranyja.
Charakterna, što tvaram Realt Golden Key — 2017 stała junaja dvanaccacihadovaja skrypačka, łaŭreat mižnarodnych konkursaŭ, Alaksandra Arbuzava.
Pryjom zajavak dla ŭdziełu ŭ premii startuje 20 lutaha na aficyjnym sajcie premii.
U hetym hodzie ŭ konkursie zajaŭlena 11 naminacyj dla ahienctvaŭ nieruchomaści, 12 naminacyj dla budaŭničych kampanij. Taksama ŭ ramkach premii budzie vyznačana «Piersona hoda. Deviełapier», «Śpiecyjalist hoda. Ahient-2017» i «Śpiecyjalist hoda. Ryełtar-2017».
Dla praviadzieńnia šyrokaj rekłamnaj kampanii i pryciahnieńnia vialikaj kolkaści ŭdzielnikaŭ narodnaha hałasavańnia ŭžo padklučyłasia 19 infarmacyjnych partnioraŭ premii.
