«Pakul nieviadomy nam dobry čałaviek raspačaŭ zbor podpisaŭ pad elektronnaj pietycyjaj «Uziać na raspaŭsiud hazietu «Novy čas» i dadać jaje ŭ padpisny katałoh» — paviedamlaje sajt samoha vydańnia.
«Hazieta «Novy Čas» — štotydniovik, jaki nadaje vialikuju ŭvahu nacyjanalnaj kulturnaj i histaryčnaj tematycy i aktyŭna prapahanduje palityku kiraŭnictva našaj krainy ŭ toj častcy, jakaja nakiravana na zachavańnie i ŭmacavańnie niezaležnaści Respubliki Biełaruś, a taksama na zachavańnie i raspaŭsiudžvańnie biełaruskaj movy. «Novy Čas» — adno ź niamnohich respublikanskich vydańniaŭ, jakija vydajucca całkam na biełaruskaj movie. Dadzienaja hazieta vykonvaje važnuju misiju pa zabieśpiačeńni zaŭsiody śviežaj, pravieranaj i jakasnaj infarmacyjaj ab padziejach u Biełarusi i śviecie. Uličvajučy dadzienyja fakty, prosim RUP «Biełsajuzdruk», a taksama ŭsie abłasnyja sajuzdruki ŭziać na raspaŭsiud hazietu «Novy čas». RUP «Biełpošta» prosim dadać hazietu ŭ padpisny katałoh», — havorycca ŭ pietycyi.
Elektronny zvarot budzie nakiravany ŭ RUP «Biełpošta» i RUP «Biełsajuzdruk» praz 4 dni.
Šanoŭnyja čytačy, kali vy taksama chacieli b bačyć vydańnie «Novy čas» u šapikach i padpisnym katałohu, padpišycie, kali łaska, hetu pietycyju.
«A raptam spracuje!..» — spadziajucca ŭ redakcyi.