18:00
Pakul žychary źbirajucca, budaŭniki chucieńka zakančvajuć zašyvać budoŭlu vysokim mietaličnym płotam. Adna ź miascovych žycharak skardzicca: badzialisia pjanyja rabočyja, ich tolki prybrali adsiul.
Žychary ŭžo sabrali 600 podpisaŭ pad zvarotam suprać budoŭli. Papieru nakiravali ŭ prakuraturu i Pałatu pradstaŭnikoŭ.
Tym časam «łahier» pratestoŭcaŭ pavialičyŭsia, stajać užo dva namioty, lažać paddony.
18:05
Na zbory prykładna paŭsotni čałaviek razam z žurnalistami. Siarod prysutnych — Pavieł Sieviaryniec, Źmicier Daškievič, Aleś Łahviniec, Alaksiej Janukievič, Anton Matolka.
«Našy ŭnuki padrastuć i buduć u hetaje kazino biehać», — aburajucca babuli, kivajučy na budoŭlu.
«Našaje patrabavańnie — hetuju budoŭlu spynić!» — kaža Sieviaryniec. Jaho padtrymlivajuć apładysmientami. Taksama jon zaklikaŭ pajści 1 sakavika na pryjom da kiraŭnika Minharvykankama Andreja Šorca.
18:10
Aktyvisty kažuć, što zajavu ŭ milicyi nakont ranišniaha napadu ŭ ich pryniali.
Aleś Kirkievič, jakoha ranicaj udaryli pa hałavie, taksama prysutničaje na zbory.
18:15
Ludziej užo bolš za sotniu.
18:20
Miascovyja žychary praciahvajuć zbor podpisaŭ suprać budoŭli.
18:30
Vystupaje miascovaja žycharka. Kaža, z čatyroch damoŭ sabrali 800 podpisaŭ. Žychary aburajucca deputatam Sokałam, jaki nie reahuje na patrabavańni vybarcaŭ: «Jany ŭsie vielmi chutka zabyvajuć, chto ich vybraŭ».
18:40
Rabočyja zašyli ŭsio, paviesili pašpart abjekta — rabočy dzień skončany. Sychodziać biahom, ludzi kryčać im «hańba!».
18:50
Vystupy skončylisia, narod pacichu razychodzicca. Pastanavili, što podpisy pieradaduć uładam. Źmicier Daškievič zajaviŭ, što, niahledziačy na ranišnija padziei, aktyvisty i siońnia buduć nočyć u namiotach. «Vystavim pasty», — dadaŭ jon.
