Supracoŭniki Charbinskaha tyhrovaha zapaviednika (Kitaj) vyrašyli dapamahčy svaim hadavancam pazbavicca ad zališniaj vahi. Praz dobry dohlad i kamfortnyja ŭmovy amurskija tyhry pačali taŭścieć i amal pierastali ruchacca. Na niezvyčajna toŭstych tyhraŭ pačali źviartać uvahu naviedniki i žurnalisty. Kab pryvieści žyvioł u formu, było vyrašana vykarystać niestandartnuju pryładu — dron.
Na videa Centralnaha telebačańnia Kitaja kala 10 amurskich tyhraŭ, jakija pabačyli niezrazumiełuju dla ich reč. Pad upłyvam drapiežnych instynktaŭ jany za joj pabiehli. Adzin drapiežnik zmoh skoknuć na 3 mietry i źbiŭ latalny aparat. Razam z kampańjonami jany sprabavali raściahnuć «achviaru» na kavałki, ale dron pačaŭ dymicca, i žyvioły spužalisia.
Zališniaja vaha zimoj u žyvioł — naturalnaja źjava, jakaja dapamahaje vyžyć im va ŭmovach suvoraha sibirskaha klimatu. Siaredniaja tempieratura lutaha ŭ hetych miaścinach składaje kala -13 hradusaŭ.
Amurskija tyhry znachodziacca pad pahrozaj źniknieńnia, ale ŭ apošnija hady navukoŭcy zdoleli stabilizavać kolkaść žyvioł. Tolki letaś naradziłasia bolš za 90 kacianiat.