U adkaz na vykazvańni kiraŭnika Biełaha doma Donalda Trampa ab namiery pašyryć jadzierny arsienał ZŠA Bierlin zaklikaŭ Vašynhton i Maskvu da pramych pieramoŭ ab razzbrajeńni, piša DW.
«Naša žadańnie i naš zaklik da abiedźviuch bujnych atamnych dziaržaŭ — kab jany praciahnuli dyjałoh adna z adnoj», — zajaviŭ pradstaŭnik ministerstva zamiežnych spraŭ FRH.
Pavodle jaho słoŭ, budzie lepš, kali kantakty buduć adbyvacca «nie tolki praz tvitar abo intervju», a naŭprost, «pakolki sprava tyčycca vielmi važnych pytańniaŭ biaśpieki Jeŭropy i śvietu».
Kamientavać kankretnyja słovy Trampa ŭ niamieckim uradzie admovilisia, patłumačyŭšy heta tym, što prezident ZŠA nie skazaŭ ničoha padrabiaznaha pra sami płany i pra toje, jak jon ich sabie ŭjaŭlaje.
Raniej u intervju ahienctvu Reuters Donald Tramp zajaviŭ, što ZŠA pavinny pašyryć svoj jadzierny arsienał, kab znachodzicca «na lidzirujučych pazicyjach» u hetaj śfiery. Jon adznačyŭ, što adstavańnie ZŠA ŭ hetym vidzie ŭzbrajeńniaŭ vyklikaje ŭ jaho surjoznyja aściarohi.