NASA arhanizavała unikalny 3D-tur pa niadaŭna adkrytaj płaniecie, jakaja padobnaja da Ziamli.
Havorka idzie pra panaramu pavierchni niadaŭna vyjaŭlenaj płaniety 1d, adpaviedny videazapis NASA raźmiaściła na svaim YouTube-kanale. «Vyjavu raspracavali, zychodziačy z apošnich navukovych dadzienych ab hetaj sistemie (TRAPPIST-1d), na joj možna ŭbačyć adkrytyja susiednija płaniety, jak jarkija kropki śviatła ŭ ciomnym niebie», — havorycca ŭ apisańni da videa.
Raniej astranomy znajšli padobnyja da Ziamli płaniety, jakija kruciacca vakoł zorki TRAPPIST-1 u suzorji Vadaleja. Pryčym na ŭsich siami płanietach moža być vadkaja vada, ale na troch ź ich možna znajści jaje chutčej, čym na inšych. U NASA zajaŭlali, što sistema, u jakoj navukoŭcy znajšli siem ekzapłaniet, padobnych da Ziamli, nie vielmi maładaja, joj minimum 500 młn hadoŭ i jana pavolna evalucyjanuje.
