U honar 950-hodździa pieršaj piśmovaj zhadki pra Miensk abviaščajem hod piešachodnych aŭtarskich vandrovak pa horadzie z historykam, krajaznaŭcam, adnym z najlepšych znaŭcaŭ našaj stalicy Ivanam Sacukievičam.
Žadajučyja lepš daviedacca Minsk, jaho tajamnicy i zavułki, padziei i vulicy, historyi i budynki, dałučajciesia!
+375 29 134-28-04, +375255458430 (Valeryja).
Śviata u centry Minska da 950-hodździa horada. 3 sakavika 2017 hoda. Fota Siarhieja Hudzilina.
«Zamčyšča, Rakaŭskaje pradmieście i Niamiha»
Ekskursija pa histaryčnym centry Minska, terytoryi byłoha zamka, Rakaŭskim pradmieści i lehiendzie horada — Niamizie. Kali vy pažadajecie dałučycca, to daviedajeciesia pra ŭźniknieńnie Minska, los Zamkavaj Hary, pra byłuju špalerniu, jakaja apošnija dziesiacihodździ była chlebazavodam, pra toje, što takoje Školišča. A taksama što było ŭ budynku restarana «Rakaŭski brovar» u XIX stahodździ. Abaviazkova taksama naviedajecie najstarejšy budynak Minska — Śviata-Pietrapaŭłaŭskuju carkvu.
Data ekskursii: 18 sakavika.
«Stvareńnie biełaruskaj dziaržaŭnaści ŭ 1917-1918 hh.»
Ekskursija pryśviečanaja dramatyčnym padziejam stvareńnia biełaruskaj dziaržaŭnaści ŭ Minsku. U pryvatnaści, padpisańniu 25 sakavika 1918 hoda 3-j Ustaŭnoj hramaty Biełaruskaj Narodnaj Respubliki, jakaja abvieściła pra niezaležnaść Biełarusi.
Data ekskursii: 25 sakavika.
«Vakoł serca horada — płoščy Vysokaha Rynku»
Ahlad histaryčnaha centra vakoł płoščy Svabody, histaryčnaje imia jakoj — Vysoki Rynak. Udzielniki pabačać Kafiedralnyja sabory, były biernardzinski klaštar, handlovyja rady, ratušu i prylehłyja da płoščy kvartały ŭzdoŭž byłych vulic Zboravaj, Fielicyjanskaj, Kojdanaŭskaj, Biernardzinskaj. Daviedajucca pra toje, čamu nie razarvałasia bomba ŭ rukach terarysta Pulichava, u jakim budynku na sučasnaj płoščy Svabody była napisana kanstytucyja dziekabrystaŭ, a taksama dzie sudzili Jakuba Kołasa i byŭ ofis haŭlajtera Vilhielma Kube.
Data ekskursii: 8 krasavika.
«Tajamnicy Trajeckaj Hary»
Ekskursija pa byłym Trajeckim pradmieści. Ubačym pierabudavany na manier Prahi kvartał Trajeckaha pradmieścia, były Uvaźniasienski manastyr, Mužčynskuju duchoŭnuju sieminaryju, pomniki Maksimu Bahdanoviču i Jazepu Drazdoviču, Opierny teatr i byłuju žanočuju duchoŭnuju sieminaryju. Daviedajemsia, čym 3 hady ŭ Minsku zajmaŭsia Li Charvi Osvald — aficyjna pryznany zabojca prezidenta Džona Kienedzi i pahladzim u vokny jaho byłoj kvatery.
Data ekskursii: 15 krasavika.
«Ad Staražoŭki da Piarespy»
Ekskursija pa byłych paŭnočnych pradmieściach horada. Pabačym były tramvajna-tralejbusny park, brovar «Alivaryju», najstarejšy chlebazavod horada, carkvu Maryi Mahdaliny, jakaja ŭ saviecki čas była archivam, dźvie sapraŭdnyja sinahohi, pieršy na postsavieckaj prastory miemaryjał achviaram Pieršaj suśvietnaj vajny. Ubačym miesca, ź jakoha pa padańni pačynaŭsia horad Mianiesk.
Data ekskursii: 13 maja.
«Pa Łošyckim parku»
Ekskursija pa Łošyckim parku, padčas jakoj vy daviedajeciesia pra Łošyckuju siadzibu i jaje ŭładalnikaŭ, naviedajecie adnoŭlenuju siadzibu, reštki kaplicy i zaručalnaha duba.
Data ekskursii: 27 maja.
Košt vandrovak - 10 bieł. rub.
Dla zaŭsiodnikaŭ i dla hrupaŭ ad 4-ch čałaviek (pry ŭmovie papiaredniaj apłaty) — 8 bieł. rub.
Zapisacca na vandroŭki možna pa telefonach: +375 29 134-28-04, +375255458430 (Valeryja);
abo napisaŭšy ŭ pryvatnyja paviedamleńni ŭ Facebook.