Fota: @BSEEgov
Novy ministr unutranych spraŭ ZŠA Rajan Zinkie (Ryan Zinke) prybyŭ u pieršy dzień na pracu ŭ kaŭbojskim stroi, viercham na kani. Adpaviednyja fatahrafii jon apublikavaŭ u Twitter.
Jak adznačaje The Hill, svaim učynkam Zinkie prademanstravaŭ prychilnaść abaronie pryrody, u pryvatnaści, nacyjanalnych parkaŭ.
Treba adznačyć, što Ministerstva ŭnutranych spraŭ ZŠA adkazvaje nie za pravaparadak, a za kiravańnie pryrodnymi resursami i ziemlami, jakija znachodziacca ŭ jurysdykcyi fiederalnaha ŭrada.
Novy kiraŭnik MUS ZŠA viadomy jak amatar palavańnia, rybałoŭstva i turyzmu. U chodzie słuchańniaŭ pa jaho kandydatury ŭ sienacie Zinkie paabiacaŭ procidziejničać sprobam vyvadu ź fiederalnaj ułasnaści vialikich ziamielnych uhodździaŭ.
Da pryznačeńnia na pasadu ministra ŭnutranych spraŭ Zinkie byŭ členam pałaty pradstaŭnikoŭ Kanhresa ad Mantany. Raniej jon pradstaŭlaŭ hety ž štat ŭ sienacie, a da pačatku palityčnaj karjery bolš za 20 hadoŭ prasłužyŭ u marskoj piachocie, u tym liku ŭ śpiecpadraździaleńni «marskija kociki».