U Minsku adbyłasia prezientacyja biełaruskich bryljantaŭ, pieradaje BIEŁTA.
«U Biełarusi ŭdałosia stvaryć umovy, jakija dazvalajuć vyroščvać ałmazy, jakija pa svaich charaktarystykach i ułaścivaściach nie adroźnivajucca ad pryrodnych, — adznačyła namieśnik kiraŭnika spraŭ prezidenta Nadzieja Katkaviec. — U śviecie padobnyja technałohii isnujuć tolki ŭ piaci kampanijach. Heta važnaja padzieja dla krainy, kolcy i zavušnicy ź biełaruskimi brylijantami — hodny padarunak dla kožnaj žančyny. Pryčym jany ŭ 2—2,5 razy tańniej vyrabaŭ takoha kłasa, a pa jakaści, vyhladzie im całkam adpaviadajuć».
Hienieralny dyrektar TAA «AdamasInviest» Maksim Bord paviedamiŭ, što vyvučajecca mahčymaść ekspartu upryhožvańniaŭ, u jakaści pierśpiektyŭnych rynkaŭ razhladajucca ZŠA i Indyja.
«U kalekcyi pradstaŭlenyja bryljanty fantazijnych adcieńniaŭ — takija kolery ŭ pryrodzie sustrakajucca vielmi redka», — skazaŭ Maksim Bord.
U prezientacyi ŭdzielničała zasłužanaja artystka Biełarusi Iryna Darafiejeva — joj asabliva spadabaŭsia piarścionak z załacistym kamieniem.
Pradpryjemstva, dzie vyroščvajuć biełaruskija ałmazy i bryljanty, raźmieščana ŭ vioscy Atolina Minskaha rajona. Pieršapačatkova kampanija pačała pracu pad ehidaj BDU z akcentam na navukovych daśledavańniach. Niadaŭna było pryniata rašeńnie zasiarodzicca na vypusku vysakajakasnych ałmazaŭ, prydatnych dla juvielirnaj haliny. U pracesie sintezu ałmazaŭ zadziejničana bolš za 30 čałaviek.