U čaćvier, 9 sakavika lidary ES na samicie ŭ Brusieli pieraabrali Donalda Tuska na pasadu prezidenta Jeŭrapiejskaj rady, paviedamlaje Radyjo Polšča.
Getty
Takim čynam, polski palityk budzie zajmać hetuju pasadu bližejšyja dva z pałovaj hady.
Jak paviedamlaje ahienctva AFP, spasyłajučysia na svaje krynicy, za kandydaturu byłoha polskaha premjera prahałasavali 27 lidaraŭ krain-siabroŭ ES. Suprać pieravybrańnia Donalda Tuska vystupiŭ polski ŭrad.
Na svajoj staroncy ŭ tvitary Donald Tusk padziakavaŭ usim za padtrymku.
«Dziakuju za davier i stanoŭčuju acenku. Ja zrablu ŭsio mahčymaje, kab zrabić ES lepš», — napisaŭ kiraŭnik Jeŭrarady.
Polšča doŭhi čas vystupała suprać pieravybrańnia Donalda Tuska na hetuju pasadu. U subotu 4 sakavika Varšava aficyjna vyłučyła svajho kandydata — deputata Jeŭraparłamienta Jaceka Saryjuš-Volskaha.
Lider «Prava i spraviadlivaści» Jarasłaŭ Kačyński zajaŭlaŭ, što Tusk pavinien nieści adkaznaść za katastrofu prezidenckaha samalota pad Smalenskam. Jon taksama abvinavačvaŭ Tuska ŭ pryniaćci rašeńniaŭ, «nadzvyčaj škodnych dla Polščy».
