Apublikavany śpis pryciahnutych da adkaznaści za damoŭnyja matčy. Biełaruskaja fiederacyja futboła atrymała adpaviednyja materyjały ź Śledčaha kamiteta. Jak infarmuje pres-słužba BFF, 10 sakavika ŭ Minsku ŭ Domie futboła prajšła sustreča pradstaŭnikoŭ vyšejšaj, pieršaj i druhoj lih čempiainatu Biełarusi, a taksama supracoŭnikaŭ Śledčaha kamiteta.
Futbolnych funkcyjanieraŭ aznajomili z detalami pa spravie ab manipulacyi spartyŭnymi vynikami. Jak stała viadoma, śledčyja mierapryjemstvy zavieršanyja, materyjały rychtujuć da pieradačy ŭ sud.
Pravaachoŭniki pracavali paŭtara hoda. Sprava zakranuła 5 matčaŭ čempijanatu krainy vyšejšaj i pieršaj lih. Byli nazvanyja 26 čałaviek, jakija ŭ toj ci inšaj stupieni majuć dačynieńnie da supraćpraŭnych dziejańniaŭ. Heta i futbalisty-instruktury kłubaŭ, i pracaŭniki trenierskich štaboŭ, administracyj kłubaŭ, adzin były sudździa. U śpisie najbolš pradstaŭnikoŭ «Isłačy» — Makoŭski, Lebiedzieŭ, Ciškievič, Paryvajeŭ, Papuš, Ryžko, Ałumona, Dzienisievič, Makar. Z «Ašmianaŭ-BHUFK» piać čałaviek — Žałudak, Pałaźnik, Sakovič, Hudziel, Žbankoŭ. Z «Łuča» 7 čałaviek — Syrakvaška, Šumanaŭ, Žuraŭloŭ, Naporka, Miadźviedzieŭ, Tarlikoŭski, Karpoŭski. Z «Hranita» — Haŭryłaŭ. Nazvany były hulec «Smarhoni» Krot, były futbolny arbitr Savicki.
Śledčy kamitet rekamiendavaŭ BFF pravieści z kiraŭnikami kłubaŭ tłumačalnuju pracu, kab praduchilić anałahičnyja ŭčynki ŭ budučyni.
