Dźvie žančyny i mužčyna, jakija pryjšli ŭ hości da svajho znajomaha ŭ Tałačynie, zahinuli na pažary. Pry hetym haspadar doma vyratavaŭsia, raspavioŭ BIEŁTA aficyjny pradstaŭnik MNS Vital Navicki.
Jak udakładnili ŭ Viciebskim abłasnym upraŭleńni MNS, paviedamleńnie ab pažary pastupiła 10 sakavika. Na miescy pažaru znojdzienyja cieły znachodzilisia ŭ haściach dvuch žančyn — 1984 i 1975 hadoŭ naradžeńnia, a taksama 45-hadovaha mužčyny. U domie źniščany dach na płoščy 35 kv. m, paškodžanyja stolevaje pierakryćcie, majomaść, ścieny.
Vital Navicki ŭdakładniŭ, što da prybyćcia pažarnych dom hareŭ adkrytym połymiem. Haspadar, jaki, pa papiaredniaj infarmacyi, byŭ niećviarozy, zdoleŭ vybracca samastojna. Inšyja abstaviny hibieli ludziej vyśviatlajucca, vyjaŭlajecca pryčyna pažaru.
