Akcyja praciŭnikaŭ pieradačy Isakijeŭskaha sabora RPC. Fota: Piotr Kavaloŭ / TASS
U čynoŭnikaŭ «jość žadańnie» prymierkavać da Vialikadnia pieradaču RPC sabora. Pa słovach surazmoŭcaŭ, blizkich da Minkultury, rasparadžeńnie było addadziena vusna, nijakich piśmovych ukazańniaŭ na hety kont niama.
Havorka idzie nie prosta ab pieramiaščeńni abjektaŭ, a ab pieraafarmleńni ich na inšy muziej, udakładniaje jašče adna krynica, blizkaja da Minkultury. Abmiarkoŭvajecca, što ekspanaty zmoh by pryniać Dziaržaŭny muziej historyi Pieciarburha, najbujniejšy ŭ horadzie.
Ale ŭźnikaje šmat pytańniaŭ: jak paśpieć apisać ŭsie abjekty, pierš jak ich pieradavać; što rabić z restaŭracyjnymi kantraktami muzieja, pa jakich nieabchodna raźličycca da 31 śniežnia; jak być z supracoŭnikami muzieja, jakija straciać pracu. Ale samaje hałoŭnaje — nie zrazumieła, na jakoj padstavie treba pradprymać što-niebudź, kali da hetaha času adsutničaje aficyjnaja zajaŭka RPC na pieradaču Isaakija.
Vyvazam muziejnych ekspanataŭ ź Isaakija da Vialikadnia ŭłady mohuć nie abmiežavacca, kaža surazmoŭca, blizkaja da Minkultury. Pavodle krynicy, ułady «majuć žadańnie» pieradać da Vialikadnia ŭvieś Isaakijeŭski sabor u karystańnie RPC. Ale, pavodle zakona ab pieradačy Carkvie abjektaŭ relihijnaha pryznačeńnia, heta zrabić praktyčna niemahčyma, tamu jość nadzieja, što ŭ vyniku pieramoža razumny sens, padkreślivaje krynica RBK.
Zhodna z płanam, jaki 12 studzienia apublikavaŭ kamitet majomasnych adnosin Sankt-Pieciarburha, budynak Isakijeŭskaha sabora ŭ Sankt-Pieciarburhu da sakavika 2019 hoda pieradaduć na 49 hadoŭ u biazvypłatnaje karystańnie Ruskaj pravasłaŭnaj Carkvie.
Ciaham niekalkich miesiacaŭ u horadzie rehularna adbyvajucca akcyi praciŭnikaŭ pieradačy Isakijeŭskaha sabora Ruskaj pravasłaŭnaj carkvie.
