Prychilnik Džoan Roŭlinh adhadaŭ nazvu čaćviortaha ramana brytanskaj piśmieńnicy pra detektyva Karmarana Strajka.
U tvitary jana prapanavała svaim čytačam adhadać nazvu knihi i prapanavała padkazku. Zahałovak składajecca z dvuch słoŭ: _ _ _ H _ _ / _ H _ _ _.
Čytačy dasłali dziasiatki viersij, siarod jakich byli Eighty Shoes («80 tuflaŭ»), Mashed Chips («razdušanyja čypsy») i navat Mayhem Sheep («Aviečka-biaźmiežnica») i Mighty Thumb («Mahutny vialiki palec»).
Pravilnym adkazam byŭ Lethal White («Śmiarotny bieły»).
«Heta było viesieła», - napisała Roŭlinh ŭ tvitary, paabiacaŭšy padaryć pieramožcu padpisany ekzemplar knihi, kali jana jaje skončyć.
Roŭlinh piša detektyŭnyja ramany pra Karmarana Strajka i jaho pamočnicu Robin pad psieŭdanimam Robiert Hełbrejt.
Pakul u sieryi try knihi - «Klič ziaziuli», «Šaŭkaprad» i «Na słužbie zła».