Pra heta paviedamiła BIEŁTA namieśnica načalnika ŭpraŭleńnia abarony pravoŭ spažyŭcoŭ i kantrolu za rekłamaj Ministerstva antymanapolnaha rehulavańnia i handlu Volha Kraŭcova pa vynikach kruhłaha stała na temu «Abličča stalicy i vonkavaja rekłama».
«Va ŭzhadnieńni vonkavaj rekłamy jość dva składniki: dazvoł na kanstrukcyju i na «karcinku». Nieabchodnaść dazvołu na kanstrukcyju jak była, tak i zastajecca. Ale ŭ ramkach rabočaj hrupy pa spraščeńni ŭmoŭ viadzieńnia biznesu my ŭnieśli prapanovu ŭ Administracyju prezidenta pa admienie administracyjnaj pracedury pa ŭzhadnieńni napaŭnieńnia vonkavaj rekłamy», — raspaviała Kraŭcova.
Taksama, pa jaje słovach, prapanujecca admianić uzhadnieńnie rekłamy na transparcie i abaviazkovuju rehistracyju rekłamnych hulniaŭ.
«U ciapierašni čas usie hulni, u jakich jość rozyhryšy, rehistrujucca. Ale my bačym, što biznes užo viedaje praviły hulni ŭ hetaj śfiery dziejnaści, tamu pa vialikim rachunku ličym, što možna było b admianić rehistracyju», — kanstatavała Kraŭcova.